ജമ്മു കാശ്മീരിലെ പഹൽഗാം ആക്രമണത്തിന് ശേഷം ഇന്ത്യ നടത്തിയ ഓപ്പറേഷൻ സിന്ദൂരിൽ ഇന്ത്യൻ ആർമി സൈനികൻ മുരളി നായക് (22) വീരമൃത്യു വരിച്ചു. ഈ സാഹചര്യത്തിൽ മുരളി നായകിന്റെ ജീവചരിത്രം തമിഴിൽ സിനിമയാകാൻ പോകുകയാണ്. 'ബിഗ് ബോസ്' ഫെയിം ഗൗതം കൃഷ്ണയാണ് ഈ ചിത്രത്തിൽ മുരളി നായകിന്റെ വേഷം ചെയ്യുന്നത്. 'വിഷൻ ഫിലിം ഫാക്ടറി'യുടെ കീഴിൽ കെ. സുരേഷ് ബാബുവാണ് ഈ ചിത്രം നിർമ്മിക്കുന്നത്. തമിഴ്, തെലുങ്ക്, കന്നഡ, മലയാളം, ഹിന്ദി ഭാഷകളിൽ ഒരു പാൻ-ഇന്ത്യ ചിത്രമായിട്ടാണ് ഈ സിനിമ ഒരുങ്ങുന്നത്. ഈ സിനിമയെ കുറിച്ച് ഗൗതം കൃഷ്ണ സംസാരിക്കുമ്പോൾ 'നമ്മുടെ രാജ്യത്തെ ജനങ്ങൾക്ക് വേണ്ടി വീരമൃത്യു വരിച്ച മുരളി നായകിന്റെ കഥ ലോകത്തോട് പറയാൻ വേണ്ടിയാണ് ഈ ചിത്രം ഒരുങ്ങുന്നത്. രാജ്യത്തിന് അഭിമാനം തോന്നിപ്പിക്കുന്ന ഒരു ചിത്രമായിരിക്കും ഇത്. മുരളി നായകിന്റെ വേഷം ചെയ്യാൻ സാധിച്ചതിൽ വളരെയധികം അഭിമാനമുണ്ടെന്നും'' അദ്ദേഹം പറയുകയുണ്ടായി. അടുത്ത് തന്നെ ഈ ചിത്രത്തിന്റെ ഷൂട്ടിങ്ങ് തുടങ്ങാനിരിക്കുകയാണ്.
Photo Courtesy - Google
