ദോഹ:7-ാമത് സൂഖ് വാഖിഫ് ഇക്വസ്ട്രിയൻ ഫെസ്റ്റിവൽ 2026 ന് തുടക്കമായി. പ്രൈവറ്റ് എഞ്ചിനീയറിംഗ് ഓഫീസ് (PEO)യുടെ സെലിബ്രേഷൻസ് കമ്മിറ്റിയുടെ നേതൃത്വത്തിൽ സംഘടിപ്പിക്കുന്ന ഫെസ്റ്റിവലിൽ, രാജ്യത്തിനകത്തുനിന്നും വിദേശത്തുനിന്നുമായി കുതിര ഉടമകൾ പങ്കാളിത്തം വഹിക്കും.
2018-ൽ ആരംഭിച്ച ഈ ഉത്സവത്തിന്റെ ഭാഗമായി, ആദ്യ മൂന്ന് ദിവസങ്ങളിൽ അറേബിയൻ കുതിരകളുടെ 7-ാമത് സൂഖ് വാഖിഫ് അന്താരാഷ്ട്ര ചാമ്പ്യൻഷിപ്പ് (കാറ്റഗറി A) നടക്കും.ജനുവരി 23-ന് പരമ്പരാഗത പൈതൃക പരിപാടികളും യുവ കുതിരസവാരിക്കാർക്കായുള്ള മത്സരങ്ങളും സംഘടിപ്പിക്കും. തുടർന്ന് ജനുവരി 24 മുതൽ 26 വരെ ശുദ്ധ അറബിയൻ ഉപദ്വീപ് കുതിരകളുടെ 15-ാമത് ഖത്തർ അന്താരാഷ്ട്ര ചാമ്പ്യൻഷിപ്പ് (കാറ്റഗറി S – ബ്യൂട്ടി ക്ലാസ്) നടക്കും.
ജനുവരി 27-ന് ശുദ്ധ അറബിയൻ കുതിരകളുടെ ലേലത്തോടെ ഫെസ്റ്റിവൽ സമാപിക്കും. അമേച്വർ കുതിരസവാരിക്കാരും വിദഗ്ധരും ഒരുമിച്ച് പങ്കെടുക്കുന്ന ഈ ലേലം ഉത്സവത്തിന്റെ അവസാന ആകർഷണമായിരിക്കും.
