ദോഹ: ഖത്തറിലെ പ്രമുഖ ഹോം അപ്ലയൻസസ് ബ്രാൻഡായ മന്നായ് ഹോം (Mannai Home), ആഗോള ടിവി ബ്രാൻഡായ ടിസിഎല്ലുമായി (TCL) പങ്കാളിത്തം പ്രഖ്യാപിച്ചുകൊണ്ട്, ഏറെ പ്രതീക്ഷയോടെ കാത്തിരുന്ന 2026-ലെ TCL SQD-Mini LED ടിവി ശ്രേണി ഔദ്യോഗികമായി ഖത്തർ വിപണിയിൽ പുറത്തിറക്കി. പ്രീമിയം മോഡലുകളായ C7L, C8L എന്നിവയ്‌ക്കൊപ്പം ഈ ശ്രേണിയിലെ ഏറ്റവും അത്യാധുനിക ഫ്ലാഗ്ഷിപ്പ് മോഡലായ X11L-ഉം ചടങ്ങിൽ അവതരിപ്പിച്ചു. ഡിസ്‌പ്ലേ രംഗത്തെ ഏറ്റവും പുതിയ ഇന്നൊവേഷനുകൾ ഉൾക്കൊള്ളുന്നതാണ് ഈ ടിവികൾ. മികച്ച ബ്രൈറ്റ്‌നസ്, സിനിമാറ്റിക് കളർ പ്രിസിഷൻ, അഡ്വാൻസ്ഡ് ഹാലോ കൺട്രോൾ എന്നിവയ്‌ക്കൊപ്പം ലോകപ്രശസ്ത ബ്രാൻഡായ ബാംഗ് ആൻഡ് ഒലൂഫ്സെൻ (Bang & Olufsen) ഒരുക്കുന്ന ഇമ്മേഴ്‌സീവ് ഓഡിയോ അനുഭവം ഈ പുതിയ ടിവികൾ ഖത്തറിലെ ഉപഭോക്താക്കൾക്ക് സമ്മാനിക്കും.
മന്നായ് കോർപ്പറേഷന്റെയും ടിസിഎൽ മിഡിൽ ഈസ്റ്റിന്റെയും ഉന്നത ഉദ്യോഗസ്ഥർ, മാധ്യമപ്രതിനിധികൾ, സാങ്കേതിക വിദഗ്ധർ, ബിസിനസ് പങ്കാളികൾ തുടങ്ങിയ പ്രമുഖർ പങ്കെടുത്ത വിപുലമായ ചടങ്ങിലാണ് പുത്തൻ ടിവി ശ്രേണി പുറത്തിറക്കിയത്. മന്നായ് കോർപ്പറേഷൻ എക്സിക്യൂട്ടീവ് കമ്മിറ്റി വൈസ് ചെയർമാൻ മിസ്റ്റർ ഖാലിദ് മന്നായ്, ചീഫ് ഫിനാൻഷ്യൽ ഓഫീസർ മിസ്റ്റർ സന്തോഷ് കൃഷ്ണമൂർത്തി, എച്ച്ആർ ആൻഡ് അഡ്മിനിസ്ട്രേഷൻ സീനിയർ ജനറൽ മാനേജർ മിസ്റ്റർ ഇമാദ് സായിദ് എന്നിവർ ചടങ്ങിന് നേതൃത്വം നൽകി. ഖത്തർ വിപണിയിലേക്ക് ലോകോത്തര നിലവാരമുള്ള പ്രീമിയം സാങ്കേതികവിദ്യകൾ എത്തിക്കാനുള്ള മന്നായ് ഹോമിന്റെ പ്രതിബദ്ധത ഇവർ ചടങ്ങിൽ വീണ്ടും അടിവരയിട്ടു പറഞ്ഞു. ടിസിഎൽ മിഡിൽ ഈസ്റ്റ് ജനറൽ മാനേജർ മിസ്റ്റർ വിക് ഷെൻ, ടീമംഗങ്ങൾ എന്നിവർക്കൊപ്പമാണ് മന്നായ് ഗ്രൂപ്പ് ഭാരവാഹികൾ പുത്തൻ ടിവികൾ അനാവരണം ചെയ്തത്. ചടങ്ങിൽ പങ്കെടുത്ത അതിഥികൾക്ക് ഡിസ്‌പ്ലേ സാങ്കേതികവിദ്യയിലെ ഈ വിപ്ലവം നേരിട്ട് അനുഭവിക്കാനും, ഹോം എന്റർടൈൻമെന്റ് രംഗത്ത് മന്നായ് ഹോമും ടിസിഎല്ലും ചേർന്ന് നടത്തുന്ന മുന്നേറ്റങ്ങൾ മനസ്സിലാക്കാനും അവസരമൊരുങ്ങി.
ലോഞ്ചിങ് ചടങ്ങിൽ സംസാരിച്ച ടിസിഎൽ മിഡിൽ ഈസ്റ്റ് ജനറൽ മാനേജർ മിസ്റ്റർ വിക് ഷെൻ, ലോകത്തിലെ ഒന്നാം നമ്പർ മിനി എൽഇഡി (Mini LED), അൾട്രാ ലാർജ് സ്ക്രീൻ ടിവി ബ്രാൻഡ് എന്ന നിലയിലുള്ള ടിസിഎല്ലിന്റെ ആഗോള സ്ഥാനം കൂടുതൽ ശക്തമാക്കുകയാണെന്ന് വ്യക്തമാക്കി. ഖത്തറിൽ 2026 SQD-Mini LED ടിവി ശ്രേണി അവതരിപ്പിച്ചത് വഴി ഉപഭോക്താക്കൾക്ക് എല്ലാ സെഗ്‌മെന്റിലും ഏറ്റവും മികച്ച തിളക്കവും കൃത്യതയാർന്ന കളർ പെർഫോമൻസും പ്രീമിയം ദൃശ്യാനുഭവവും നൽകാൻ ടിസിഎല്ലിന് സാധിക്കുമെന്നും അദ്ദേഹം പറഞ്ഞു. മന്നായ് ഹോമുമായുള്ള ശക്തമായ പങ്കാളിത്തം വഴി ഖത്തറിലെ ഉപഭോക്താക്കൾക്ക് ഉൽപ്പന്നങ്ങൾ എളുപ്പത്തിൽ ലഭ്യമാക്കാനും മികച്ച ആഫ്റ്റർ സെയിൽസ് സർവീസ് ഉറപ്പാക്കാനും സാധിക്കുമെന്നും അദ്ദേഹം കൂട്ടിച്ചേർത്തു.
പുതിയ പ്രീമിയം ടിവി ശ്രേണിയെ ഖത്തർ വിപണിയിലേക്ക് സ്വാഗതം ചെയ്തുകൊണ്ട് മന്നായ് ഹോം ജനറൽ മാനേജർ മിസ്റ്റർ സാത്തിക് ബച്ച ഷംസുദ്ദീൻ സംസാരിച്ചു. ടിസിഎല്ലിന്റെ ഏറ്റവും അത്യാധുനികമായ ഡിസ്‌പ്ലേ സാങ്കേതികവിദ്യ ഖത്തറിലെ ഉപഭോക്താക്കൾക്കായി അവതരിപ്പിക്കുന്നതിൽ ഏറെ അഭിമാനമുണ്ടെന്ന് അദ്ദേഹം പറഞ്ഞു. ഖത്തറിലെ പ്രീമിയം ഉപഭോക്താക്കളുടെ ഉയർന്ന ആവശ്യങ്ങളും പ്രതീക്ഷകളും കണക്കിലെടുത്താണ് 2026 ശ്രേണി തെരഞ്ഞെടുത്തിരിക്കുന്നത്. ടിസിഎല്ലിന്റെ മികച്ച ഡിസ്‌പ്ലേ ഇന്നൊവേഷനുകളും ബാംഗ് ആൻഡ് ഒലൂഫ്സെൻ (Bang & Olufsen) ഓഡിയോ സിസ്റ്റവും ഒത്തുചേരുമ്പോൾ വീടുകളിൽ യഥാർത്ഥ സിനിമാ തിയേറ്റർ അനുഭവം സൃഷ്ടിക്കാൻ ഈ ടിവികൾക്ക് സാധിക്കുമെന്ന് അദ്ദേഹം വ്യക്തമാക്കി.
ഖത്തറിലുടനീളം വലിയ സ്‌ക്രീനുള്ള പ്രീമിയം ടെലിവിഷനുകൾക്ക് ഡിമാൻഡ് അതിവേഗം വർദ്ധിച്ചുവരുന്ന സമയത്താണ് ഈ ലോഞ്ച് നടക്കുന്നത്. മികച്ച കായിക മത്സരങ്ങൾ കാണുന്നതിനും, ഹൈ-പെർഫോമൻസ് ഗെയിമിംഗിനും, സ്മാർട്ട് ഹോം കണക്റ്റിവിറ്റിക്കും അനുയോജ്യമായ വലിയ ഡിസ്‌പ്ലേകളാണ് ഇന്നത്തെ ഉപഭോക്താക്കൾ ആഗ്രഹിക്കുന്നത്. അഡ്വാൻസ്ഡ് SQD Mini LED സാങ്കേതികവിദ്യ, റെക്കോർഡ് ബ്രേക്കിംഗ് ബ്രൈറ്റ്‌നസ്, കൃത്യമായ ലൈറ്റ് കൺട്രോൾ, മികച്ച കളർ പെർഫോമൻസ് എന്നിവയോടെയാണ് പുതിയ ടിസിഎൽ ശ്രേണി രൂപകൽപ്പന ചെയ്തിരിക്കുന്നത്.
മന്നായ് ഹോമിന്റെ വിപുലമായ റീട്ടെയ്ൽ ശൃംഖല, മികച്ച കസ്റ്റമർ സർവീസ്, പ്രാദേശിക വിപണിയെക്കുറിച്ചുള്ള ആഴത്തിലുള്ള അറിവ് എന്നിവയുടെ കരുത്തിൽ ഇരു കമ്പനികളും ഖത്തറിലെ പ്രീമിയം കൺസ്യൂമർ ഇലക്ട്രോണിക്സ് രംഗത്ത് കൂടുതൽ മുന്നേറുകയാണ്. ലോകോത്തര നവീകരണങ്ങളും അത്യാധുനിക വിനോദ സാങ്കേതികവിദ്യകളും ഖത്തറിലെ വീടുകളിൽ എത്തിക്കുക എന്ന ലക്ഷ്യത്തോടെയാണ് ഈ ഇരു ബ്രാൻഡുകളും ഒരുമിച്ച് പ്രവർത്തിക്കുന്നത്.
പുതിയ ടിസിഎൽ സി7എൽ (C7L), സി8എൽ (C8L), ഫ്ലാഗ്ഷിപ്പ് മോഡലായ എക്സ്11എൽ (X11L) എന്നിവ ഇപ്പോൾ ഖത്തറിലുടനീളമുള്ള മന്നായ് ഹോം ഫ്ലാഗ്ഷിപ്പ് ഷോറൂമുകളിൽ (സി-റിംഗ് റോഡ്, ഇസ്ദാൻ മാൾ അൽ വക്ര ഉൾപ്പെടെ) ലഭ്യമാണ്. കൂടാതെ പ്രമുഖ ഹൈപ്പർമാർക്കറ്റുകളിലും, റീട്ടെയ്ൽ ഔട്ട്‌ലെറ്റുകളിലും, ഇ-കോമേഴ്‌സ് പ്ലാറ്റ്‌ഫോമുകളിലും ഇവ ലഭ്യമാക്കിയിട്ടുണ്ട്. മന്നായ് ഹോമിന്റെ ഓൺലൈൻ പ്ലാറ്റ്‌ഫോം വഴിയും ഉപഭോക്താക്കൾക്ക് ഈ പുതിയ ടിവികൾ ഓർഡർ ചെയ്യാവുന്നതാണ്.