ദോഹ:ഖത്തർ നാഷണൽ വിഷൻ 2030-നെ അടിസ്ഥാനമാക്കി സുസ്ഥിരതയും നവീകരണവും മുൻനിർത്തി ഖത്തർ ഗതാഗതമേഖലയിൽ വൻ മുന്നേറ്റംകൈവരിക്കുന്നതായി ഗതാഗത മന്ത്രാലയം (MoT) അറിയിച്ചു. റോഡ്, റെയിൽ, പൊതു ഗതാഗതം, കടൽ ഗതാഗതം എന്നിവയെ ഏകോപിപ്പിച്ച സമഗ്രവും സ്മാർട്ടുമായ ഗതാഗത സംവിധാനമാണ് രാജ്യത്ത് വികസിപ്പിക്കുന്നത്.
MoT സ്ട്രാറ്റജി 2025–2030 പ്രകാരം 42 പദ്ധതികളിലായി 125 പ്രോജക്ടുകൾ നടപ്പാക്കും. ഇതിൽ 40 ശതമാനം വരെ സ്വകാര്യ മേഖലയുടെ പങ്കാളിത്തം ഉറപ്പാക്കുന്നുണ്ട്. പരിസ്ഥിതി സൗഹൃദവും വിശ്വാസ്യതയുമുള്ള പൊതു ഗതാഗത സേവനങ്ങൾ ഉറപ്പാക്കാൻ 17 ഗുണനിലവാര പദ്ധതികൾ നടപ്പിലാക്കുമെന്നും മന്ത്രാലയം വ്യക്തമാക്കി.
ഭൂഗതാഗത–കടൽഗതാഗത മേഖലകളിൽ ഈ വർഷംആയിരക്കണക്കിന് ഇടപാടുകൾ പൂർത്തിയാക്കിയതോടെ ലോജിസ്റ്റിക് കാര്യക്ഷമതയിൽ ഖത്തർ ആഗോളനിലവാരത്തിലേക്ക് ഉയർന്നതായി വിലയിരുത്തപ്പെടുന്നു. ഡിജിറ്റൽപരിവർത്തനത്തിന്റെ ഭാഗമായി ‘ദാർബ്’ മൊബൈൽ ആപ്പ്പുറത്തിറക്കിയതോടെ സേവനങ്ങൾ കൂടുതൽ ലളിതമായി.
അതിനിടെ, ഖത്തറും സൗദി അറേബ്യയും തമ്മിൽ ഹൈസ്പീഡ് ഇലക്ട്രിക് റെയിൽ പദ്ധതിയും പ്രഖ്യാപിച്ചു. ദോഹ–റിയാദ് ബന്ധിപ്പിക്കുന്ന 785 കിലോമീറ്റർ ദൈർഘ്യമുള്ള റെയിൽ പാത, ഗൾഫ് മേഖലയിൽ ഗതാഗതസഹകരണത്തിന് പുതിയ ദിശ തുറക്കുമെന്ന് അധികൃതർ വ്യക്തമാക്കി.
