ദോഹ:സമുദ്രമേഖലയിലെ സുരക്ഷയും സുഗമമായ പ്രവർത്തനങ്ങളും ഉറപ്പാക്കുന്നതിനായി ഗതാഗത മന്ത്രാലയം പുറപ്പെടുവിച്ച നവിഗേഷണൽ ജാഗ്രത നിർദ്ദേശത്തിന്റെ (Navigational Warning) കാലാവധി നീട്ടി. നിശ്ചിത കോർഡിനേറ്റുകൾക്കുള്ളിൽ നടന്നുവരുന്ന മറൈൻ സർവേ പ്രവർത്തനങ്ങളുടെ പശ്ചാത്തലത്തിൽ മെയ് 15 വരെ ഈ മേഖലയിൽ നിയന്ത്രണങ്ങൾ തുടരുമെന്ന് മന്ത്രാലയം അറിയിച്ചു.
ജീവനക്കാരുടെയും സ്വത്തുക്കളുടെയും സുരക്ഷ കണക്കിലെടുത്താണ് നേരത്തെ പുറപ്പെടുവിച്ച മുന്നറിയിപ്പ് മെയ് പകുതി വരെ നീട്ടാൻ തീരുമാനിച്ചത്. സർവേ നടത്തുന്ന പ്രദേശങ്ങളിൽ നിന്ന് എല്ലാ കപ്പലുകളും മറ്റ് സമുദ്ര വാഹനങ്ങളും നിശ്ചിത അകലം പാലിക്കണമെന്ന് മന്ത്രാലയം നിർദ്ദേശിച്ചു.
നിർദ്ദേശങ്ങൾ ലംഘിക്കുന്നത് അപകടങ്ങൾക്ക് കാരണമാകുമെന്നും എല്ലാ നാവികരും ഈ സുരക്ഷാ മുന്നറിയിപ്പുമായി സഹകരിക്കണമെന്നും മന്ത്രാലയം വാർത്താക്കുറിപ്പിൽ ഊന്നിപ്പറഞ്ഞു.
