കെ.പി.സി.സി പ്രസിഡന്റായിരുന്ന കെ. സുധാകരനെ തിരഞ്ഞെടുപ്പ് പടി പടിവാതിൽക്കൽ എത്തി നിൽക്കേ മാറ്റിയതിലൂടെ കേരളത്തിലെ കോൺഗ്രസിന്റെ തികഞ്ഞ നാശത്തിന് വഴിയൊരുക്കിയതായി എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ വ്യക്തമാക്കി.
ഇന്ത്യൻ സൈന്യം പാകിസ്ഥാനിൽ ഭീകരാക്രമണ കേന്ദ്രങ്ങൾ തകർത്ത “ഓപ്പറേഷൻ സിന്ദൂർ” എന്നത് രാജ്യത്തിന് അഭിമാനകരമായതായിരിക്കുമ്പോൾ, കേരളത്തിലെ കോൺഗ്രസ് നേതൃത്വം “ഓപ്പറേഷൻ സുധാകർ” എന്ന രാഷ്ട്രീയ ആത്മഹത്യ പദ്ധതിയിലാണെന്ന് അദ്ദേഹം കടുത്ത ഭാഷയിൽ വിമർശിച്ചു.
"സുധാകരൻ കരുത്തും കഴിവും ഉള്ള നേതാവായിരുന്നു. തെരഞ്ഞെടുപ്പിന്റെ നിമിഷം നേരത്തേ വന്നപ്പോൾ അദ്ദേഹത്തെ മാറ്റിയതിലൂടെ പാർട്ടിയെ നിലംപതിപ്പിക്കാൻ തുനിഞ്ഞിരിക്കുന്നു. സാധാരണ ബുദ്ധിയുള്ള ആരെങ്കിലും ഇത്തരത്തിൽ ഒരു മാറ്റത്തിന് തുനിയുമോ എന്നായിരുന്നു അദ്ദേഹത്തിന്റെ പ്രതികരണം.
കെ.പി.സി.സി പുന:സംഘടനയ്ക്ക് പിന്നിൽ സമുദായപരമായ താത്പര്യങ്ങളാണെന്നതിന്റെ സൂചനയും അദ്ദേഹം നൽകി. പുതിയതായി നിയോഗിക്കപ്പെട്ട നേതാക്കളെ കുറിച്ച് ജനങ്ങളിലോ സമുദായങ്ങളിലോ യാതൊരു സ്വാധീനവുമില്ലെന്ന് തെളിയിക്കാൻ “പാഴൂർ പടിവരെ” പോയാൽ മതിയാകുമെന്ന് അദ്ദേഹം പരിഹാസത്തോടെ പറഞ്ഞു.
ഇതെല്ലാവിധത്തിലും സുധാകരനെ മാറ്റാൻ നേതൃത്വം എടുത്തവരെ “ഊളൻപാറയിലേക്കു കൊണ്ടുപോകേണ്ടത്” എന്നാണ് വെള്ളാപ്പള്ളിയുടെ കഠിന പരാമർശം. വെള്ളാപ്പള്ളിയുടെ ഈ പരാമർശങ്ങൾ, തെരഞ്ഞെടുപ്പിന് മുന്നോടിയായുള്ള കോൺഗ്രസിന്റെ ആഭ്യന്തര സംഘർഷങ്ങളെ കൂടുതൽ രൂക്ഷമാക്കുമെന്നതിൽ സംശയമില്ല. ഇത് മുന്നണി രാഷ്ട്രീയത്തിൽ പുതിയ വികാരങ്ങളും ചർച്ചകളും ഉണർത്തും.
