തിരുവനന്തപുരം: കേരള സർക്കാർ ജീവനക്കാർ അനധികൃതമായി ജോലിക്ക് ഹാജരാകാതെ (Unauthorized Absence) തുടരുന്ന വിഷയത്തിൽ കർശന നടപടി സ്വീകരിക്കാൻ എല്ലാ വകുപ്പ് തലവന്മാർക്കും ധനകാര്യ വകുപ്പ് (പെൻഷൻ-ബി) നിർദ്ദേശം നൽകി.
വർഷങ്ങളോളം ശൂന്യവേതനാവധിക്കുശേഷം തിരികെ പ്രവേശിക്കാതെ അനധികൃതമായി സർവ്വീസിൽ തുടരുന്ന ജീവനക്കാർക്കെതിരെ യഥാസമയം അച്ചടക്ക നടപടി സ്വീകരിക്കുന്നതിൽ ഉദ്യോഗസ്ഥരുടെ ഭാഗത്തുനിന്ന് ഗുരുതരമായ വീഴ്ച ഉണ്ടാകുന്നതായി സർക്കാരിന്റെ ശ്രദ്ധയിൽപ്പെട്ടതിനെ തുടർന്നാണ് പുതിയ സർക്കുലർ.
പ്രധാന നിർദ്ദേശങ്ങൾ:
അനധികൃത ഹാജരില്ലായ്മയിൽ തുടരുന്ന ജീവനക്കാർക്കെതിരെ കെ.സി.എസ് (സി.സി & എ) ചട്ടങ്ങൾ പ്രകാരം സമയബന്ധിതമായി അച്ചടക്ക നടപടി സ്വീകരിക്കണം.
ഇത്തരക്കാരെ സർവ്വീസിൽ നിന്ന് നീക്കം ചെയ്യാൻ നടപടിയെടുക്കണം.
അനധികൃത ഹാജരില്ലായ്മയിൽ തുടർന്ന് വിരമിക്കുന്ന ജീവനക്കാർക്ക് പെൻഷൻ ആനുകൂല്യങ്ങൾ നൽകേണ്ടി വരുന്ന സാഹചര്യം ഒഴിവാക്കാനാണിത്.
സർക്കുലർ നം.42/2009/ഫിൻ തീയതി 11.05.2009 പ്രകാരമുള്ള... മാർഗ്ഗനിർദ്ദേശങ്ങൾ കർശനമായി പാലിക്കണം.
