ദോഹ :ഹോർമുസ് കടലിടുക്കിലെ സുരക്ഷയും ചരക്ക് നീക്കവും ലക്ഷ്യമിട്ട് ചേർന്ന ബഹുരാഷ്ട്ര സൈനിക യോഗത്തിൽ ഖത്തർഉപപ്രധാനമന്ത്രിയും പ്രതിരോധ കാര്യങ്ങൾക്കായുള്ള സഹമന്ത്രിയുമായ ഷെയ്ഖ് സൗദ് ബിൻ അബ്ദുൾറഹ്മാൻ ബിൻ ഹസ്സൻ അൽ താനി പങ്കെടുത്തു.
ബ്രിട്ടീഷ് പ്രതിരോധ സെക്രട്ടറി ജോൺ ഹീലി, ഫ്രഞ്ച് സായുധ സേന-വെറ്ററൻ അഫയേഴ്സ് മന്ത്രി കാതറിൻ വൗട്രിൻ എന്നിവരുടെ ക്ഷണപ്രകാരം വീഡിയോ കോൺഫറൻസിങ് വഴിയാണ് അദ്ദേഹം യോഗത്തിൽ സംബന്ധിച്ചത്.ഹോർമുസ് കടലിടുക്കിലൂടെയുള്ള കപ്പലുകളുടെ സുഗമമായ സഞ്ചാരം ഉറപ്പാക്കുക.സമുദ്ര വഴിയുള്ള ചരക്ക് നീക്കം തടസ്സമില്ലാതെ തുടരാനുള്ള വഴികൾ ചർച്ച ചെയ്യുക.നിലവിലെ പ്രതിസന്ധികളിൽ കൈവരിച്ച ധാരണയുടെ അടിസ്ഥാനത്തിൽ തുടർനടപടികൾ സ്വീകരിക്കുകതുടങ്ങിയ ആവശ്യങ്ങൾഉന്നയിച്ചു.
മേഖലയിലെ സമാധാനവും സുരക്ഷയും മുൻനിർത്തി അന്താരാഷ്ട്ര സഹകരണം ശക്തിപ്പെടുത്തുന്നതിന്റെ ഭാഗമായാണ് ഈ ഉന്നതതല യോഗം ചേർന്നത്.
