ഭാരത് ഗൗരവ് ട്രെയിൻ പദ്ധതി പ്രകാരം രാജ്യത്തെ സ്വകാര്യ മേഖലയിലെ ആദ്യ സേവന ദാതാവായ സൗത്ത് സ്റ്റാർ റെയിൽ, അവാർഡ് ജേതാവും കേന്ദ്ര ടൂറിസം മന്ത്രാലയത്തിന്റെ അംഗീകാരവുമുള്ള ടൂർ ഓപ്പറേറ്ററായ ടൂർ ടൈംസുമായി സഹകരിച്ച് ഓണാവധിക്കാലത്ത് സർവീസ് നടത്തുന്ന സ്പെഷ്യൽ ടൂറിസ്റ്റ് ട്രെയിൻ ഓഗസ്റ്റ് 20-ന് പുറപ്പെടും. 11ദിവസം നീളുന്ന യാത്രയിൽ രാജ്യത്തെ പ്രമുഖ വിനോദസഞ്ചാര കേന്ദ്രങ്ങൾ സന്ദർശിക്കും. ഇന്ത്യൻ റെയിൽവേയുടെ 33% സബ്സിഡിയോടെയാണ് ഈ പാക്കേജ് അവതരിപ്പിക്കുന്നത്.

ഡൽഹി, ആഗ്ര, ജയ്പൂർ, അമൃത്സർ, സ്റ്റാച്യു ഓഫ് യൂണിറ്റി, ഗോവ എന്നിവിടങ്ങളിലെ പ്രധാനപ്പെട്ട വിനോദസഞ്ചാര കേന്ദ്രങ്ങൾ സന്ദർശിക്കുന്ന യാത്രയ്ക്കുള്ള നിരക്കുകൾ സ്ലീപ്പർ ക്ലാസ് 28,750 രൂപയിലും തേർഡ് എസി 39,950 രൂപയിലും ആരംഭിക്കുന്നു. സെക്കൻഡ് എസിക്ക് 49,950 രൂപയും ഫസ്റ്റ് എസിക്ക് 58,950 രൂപയുമാണ് നിരക്ക്. തിരുവനന്തപുരം, കൊല്ലം, കായംകുളം, കോട്ടയം, എറണാകുളം, തൃശൂർ, ഒറ്റപ്പാലം, പാലക്കാട് എന്നിവിടങ്ങളിൽ ട്രെയിനിന് സ്റ്റോപ്പുണ്ട്.

ഓൺ‌ബോർഡിൽ അറിയിപ്പുകൾ നൽകുന്നതിനുള്ള പി‌എ സംവിധാനങ്ങൾ, സമർപ്പിത കോച്ച് സുരക്ഷ & ടൂർ മാനേജർമാർ, യാത്രാ ഇൻഷുറൻസ്, ഹോട്ടലുകൾ, പരിധിയില്ലാത്ത ഭക്ഷണം, ഓൺ‌ബോർഡിലും പുറത്തും ഉള്ള സൗകര്യങ്ങൾ എന്നിവ കൂടാതെ താമസത്തിനോ കാഴ്ചകൾ കാണുന്നതിനോ മാത്രമുള്ള ലഗേജ് കൊണ്ടുപോയാൽ മതിയെന്ന സവിശേഷതയുമുണ്ട്. യാത്രക്കാർക്ക് എൽടിസി/എൽ‌എഫ്‌സി സൗകര്യം ലഭിക്കും.

ബുക്കിംഗിന് 7305 85 85 85 എന്ന നമ്പറിൽ വിളിക്കുകയോ www.tourtimes.in സന്ദർശിക്കുകയോ ചെയ്യുക. സൗത്ത് സ്റ്റാർ റെയിൽ - ടൂർ ടൈംസ് സഹകരണത്തിൽ ഇതിനകം  3, 02,850 കിലോമീറ്ററിലധികം ദൈർഘ്യമുള്ള 53 യാത്രകൾ നടത്തിയിട്ടുണ്ട്. ഇതിലൂടെ ആകെ 25,070 തീർത്ഥാടകർക്കും വിനോദസഞ്ചാരികൾക്കും യാത്രാസൗകര്യമൊരുക്കി.

Photo Courtesy - Google