ധാരണാപത്രം ഒപ്പുവെച്ച ശേഷം അസറ്റ് ഹോംസ് എംഡി വി. സുനിൽ കുമാറും സൗത്ത് ഇന്ത്യൻ ബാങ്ക് ഇവിപി ആന്റോ ജോർജ് ടി-യും സമീപം
കൊച്ചി : കേരളത്തിലെ പ്രമുഖ സ്വകാര്യ ബാങ്കുകളിലൊന്നായ സൗത്ത് ഇന്ത്യൻ ബാങ്ക്, ഹോം ലോൺ സേവനങ്ങൾ ശക്തിപ്പെടുത്തുന്നതിനായി അസറ്റ് ഹോംസ് പ്രൈവറ്റ് ലിമിറ്റഡുമായി ധാരണാപത്രത്തിൽ ഒപ്പുവച്ചു. അസറ്റ് ഹോംസ് സ്ഥാപകനും മാനേജിംഗ് ഡയറക്ടറുമായ വി. സുനിൽ കുമാർ, സൗത്ത് ഇന്ത്യൻ ബാങ്ക് എക്സിക്യൂട്ടീവ് വൈസ് പ്രസിഡന്റും ചീഫ് ഓപ്പറേറ്റിംഗ് ഓഫീസറുമായ ആന്റോ ജോർജ് ടി എന്നിവർ ചേർന്നാണ് കരാർ ഒപ്പുവെച്ചത്. ഇരു സ്ഥാപനങ്ങളിലെയും മുതിർന്ന ഉദ്യോഗസ്ഥർ ചടങ്ങിൽ പങ്കെടുത്തു.
ഉപഭോക്താക്കൾക്ക് കൂടുതൽ മെച്ചപ്പെട്ട ഹോം ലോൺ സൗകര്യം നൽകുക എന്ന ലക്ഷ്യത്തോടെയാണ് ഈ സഹകരണത്തിന് തുടക്കമിട്ടത്. പ്രത്യേക ആനുകൂല്യങ്ങൾ, വേഗത്തിലുള്ള ലോൺ പ്രോസസ്സിംഗ്, ഏകോപിത വിൽപ്പന പ്രവർത്തനങ്ങൾ എന്നിവയിലൂടെ ഉപഭോക്താക്കൾക്ക് മികച്ച അനുഭവം നൽകുകയാണ് ഈ സഹകരണത്തിന്റെ ലക്ഷ്യം.
സൗത്ത് ഇന്ത്യൻ ബാങ്കിന്റെ ധനകാര്യ വൈദഗ്ധ്യവും അസറ്റ് ഹോംസിന്റെ റിയൽ എസ്റ്റേറ്റ് രംഗത്തെ ശക്തമായ സാന്നിധ്യവും ഒത്തുചേരുന്നതോടെ ഉപഭോക്താക്കൾക്ക് സുഗമവും കാര്യക്ഷമവുമായ ഭവന വായ്പാ സേവനങ്ങൾ ലഭ്യമാകും.
വീട് സ്വന്തമാക്കാൻ ആഗ്രഹിക്കുന്നവർക്ക് കൂടുതൽ മൂല്യവും ആവശ്യാനുസൃത ഓഫറുകളും നൽകുകയും ഹൗസിംഗ് ഫിനാൻസിലേക്കുള്ള പ്രവേശനം എളുപ്പമാക്കുകയും ചെയ്യുക എന്നതാണ് ഈ സഹകരണത്തിന്റെ ലക്ഷ്യം.
Photo Courtesy - Google
