വിജയികളായ വിദ്യാർത്ഥികളോടൊപ്പം ലൂർദ് കോളേജ് ഓഫ് നഴ്‌സിംഗിലെ അധ്യാപകരായ സഞ്ചു ടി. പി, ചിഞ്ചു കെ. ജോർജ്, ലൂർദ് സ്കൂൾ ഓഫ് നഴ്‌സിംഗിന്റെ പ്രിൻസിപ്പൽ റെയ്ച്ചൽ തോമസ് , ലൂർദ് കോളേജ് ഓഫ് നഴ്‌സിംഗിന്റെ പ്രിൻസിപ്പാൾ സിസ്റ്റർ റൂഫീന ഇ. എ, സിസ്റ്റർ പ്രീത ചാക്കോ, സുമി ജോസ് എന്നിവർ.
കൊച്ചി: എസ്.എൻ.എ. (Student Nurses Association) മധ്യമേഖലാ കലോത്സവങ്ങളിലും വിദ്യാഭ്യാസ മത്സരങ്ങളിലുമെല്ലാം അന്യന്യ വിജയം കൈവരിച്ചു കൊണ്ട് ലൂർദ് കോളേജ് ഓഫ് നഴ്‌സിംഗ് ഈ വർഷത്തെ ഓവർഓൾ ചാമ്പ്യൻഷിപ്പ് നേടിയെടുത്തു.
പി.എസ്. മിഷൻ സ്കൂൾ ഓഫ് നഴ്‌സിംഗിൽ നടന്ന “കലം 2025” എന്ന വിദ്യാഭ്യാസ മത്സരങ്ങളിലും, സി-മേറ്റ് കോളേജ് ഓഫ് നഴ്‌സിംഗിൽ സംഘടിപ്പിച്ച “അഗം 2025” കലാമേളയിലും ലൂർദ് ടീം അതുല്യ പ്രകടനം കാഴ്ചവെച്ചു.
വിദ്യാഭ്യാസ മത്സരങ്ങളായ ക്വിസ്, ഹെൽത്ത് പ്ലേ, സയന്റിഫിക് പേപ്പർ പ്രസന്റേഷൻ, പോസ്റ്റർ പ്രദർശനം എന്നിവയിലും, മാർഗംകളി, സംഘഗാനം, സംഘനൃത്തം, നാടോടിനൃത്തം, പ്രച്ഛന്നവേഷം തുടങ്ങിയ കലാപരിപാടികളിലും വിദ്യാർത്ഥി വിദ്യാത്ഥിനികൾ തിളങ്ങി.
