കൊച്ചി: ഇന്ത്യയില് 25 വര്ഷവും ആഗോളതലത്തില് 130 വര്ഷവും ആഘോഷിക്കുന്ന സ്കോഡ ഓട്ടോ ഇന്ത്യ അവരുടെ ഏറ്റവും കൂടുതല് വിറ്റഴിക്കപ്പെടുന്ന മോഡലുകളായ കകൈലാഖ്, കുഷാഖ്, സ്ലാവിയ എന്നിവയുടെ ലിമിറ്റഡ് എഡിഷനുകള് അവതരിപ്പിച്ചു. കൂടുതല് മെച്ചപ്പെടുത്തിയ ഡിസൈന്, പ്രീമിയം ഫീച്ചറുകള് എന്നിവ കൂടാതെ 25-ാം വാര്ഷികത്തിന്റെ പ്രത്യേക ബാഡ്ജിംഗും ഈ എക്സ്ക്ലൂസീവ്, ലിമിറ്റഡ്-റണ് എഡിഷനുകളിലുണ്ട്.. മുന്തിയ മോഡലുകളായ കുഷാകിന്റേയും സ്ലാവിയയുടേയും മോണ്ടെ കാര്ലോ, കൈലാഖിന്റെ പ്രസ്റ്റീജ് എന്നിവയുടെ ഹൈ-സ്പെക്ക് ട്രിമ്മുകളെ അടിസ്ഥാനമാക്കിയുള്ളതാണ് ഈ ലിമിറ്റഡ് എഡിഷനുകളെന്ന് സ്കോഡ ഇന്ത്യ ബ്രാന്ഡ് ഡയറക്ടര് ആശിഷ് ഗുപ്ത പറഞ്ഞു. മൂന്ന് എഡിഷനുകളിലും 500 കാറുകള് മാത്രമേ വിപണിയിലെത്തുകയുള്ളു. മോഡലുകള്ക്കും വകഭേദങ്ങള്ക്കുനുസരിച്ച് വിലനിലവാരം 11.25 ലക്ഷം മുതല് 19.09 ലക്ഷം രൂപ വരെ. ഒപ്പം വാഹനത്തില് സജ്ജീകരിച്ചിരിക്കുന്ന 360-ഡിഗ്രി ക്യാമറ, പഡില് ലാമ്പുകള്, അണ്ടര്ബോഡി ലൈറ്റിംഗ്, ബോഡി ഗാര്ണിഷുകള് എന്നിവയുള്പ്പെടെയുള്ള ആക്സസറി കിറ്റ് സൗജന്യമായി നല്കുന്ന ഓഫറുമുണ്ട്.
Photo Courtesy - Google
