ദോഹ: ഖത്തറിലെ പ്രമുഖ സംഗീത കൂട്ടായ്മയായ Six S Music Band Qatar-ന്റെ വാർഷികാഘോഷം ജൂലൈ 10 വെള്ളിയാഴ്ച വൈകിട്ട് 5 മുതൽ രാത്രി 11 വരെ ദോഹയിലെ ICC Ashoka Hall-ൽ നടക്കും. സംഗീതവും നൃത്തവും കലാപരിപാടികളും അതിഥി സാന്നിധ്യവും സമന്വയിപ്പിച്ച “Band Fusion” എന്ന പേരിലുള്ള മെഗാ സംഗീത-സാംസ്കാരിക പരിപാടിയാണ് വാർഷികാഘോഷത്തിന്റെ ഭാഗമായി സംഘടിപ്പിക്കുന്നത്.

പരിപാടിയുടെ ടൈറ്റിൽ സ്പോൺസറായി ശ്രീമതി ഷിനി. തിരുമുറ്റം ഖത്തർ ആണ് പരിപാടിയുടെ സപ്പോർട്ടിംഗ് പാർട്ണർ.

പ്രശസ്ത ചലച്ചിത്ര നടി ഐശ്വര്യ അർജുൻ, പ്രശസ്ത സാമൂഹിക സാംസ്‌കാരിക പ്രവർത്തകനും വിദ്യാഭ്യാസ പ്രവർത്തകനുമായ ഡോ. റാഷിദ് പട്ടാത്ത്, പ്രശസ്ത റേഡിയോ ജോക്കിയായ ജിബിൻ എന്നിവർ മുഖ്യാതിഥികളായി പങ്കെടുക്കും. റൂഫ് മലയയിൽ, സന്തോഷ് കണ്ണമ്പറമ്പിൽ എന്നിവർ വിശിഷ്ടാതിഥികളായും ചടങ്ങിൽ സാന്നിധ്യമറിയിക്കും.

പ്രശസ്ത അവതാരകരായ ആതിരയും അരുൺ പിള്ളയും പരിപാടിക്ക് അവതാരകരാകും.

Six S Music Band-ലെ ഗായകരുടെ നേതൃത്വത്തിൽ മലയാളം, തമിഴ്, ഹിന്ദി തുടങ്ങി വിവിധ ഭാഷകളിലെ ഗാനങ്ങൾ ഉൾപ്പെടുത്തി സംഗീതാസ്വാദകർക്കായി വൈവിധ്യമാർന്ന ലൈവ് ബാൻഡ് പെർഫോമൻസ് ഒരുക്കിയിട്ടുണ്ട്. കൂടാതെ കുടുംബശ്രീ കലാസംഘത്തിന്റെ പ്രത്യേക സ്കിറ്റ്‌ അവതരണവും, Team Twinkle Toes-ന്റെ നൃത്താവിഷ്‌കാരങ്ങളും, Mayoora Natya Kalakshethraയുടെ ക്ലാസിക്കൽ-ഫ്യൂഷൻ നൃത്തപരിപാടികളും വേദിയെ കൂടുതൽ വർണാഭമാക്കും.

ഖത്തറിലെ മലയാളി കലാകാരന്മാരെയും സംഗീതാസ്വാദകരെയും ഒരേ വേദിയിൽ അണിനിരത്തി കലാ-സാംസ്കാരിക രംഗത്ത് പുതുമയാർന്ന പ്രവർത്തനങ്ങൾ കാഴ്ചവെക്കുക എന്ന ലക്ഷ്യത്തോടെയാണ് Six S Music Band Qatar പ്രവർത്തിച്ചുവരുന്നത്. ഒരു വർഷക്കാലത്തെ വിജയകരമായ പ്രവർത്തനങ്ങളുടെ ആഘോഷമായാണ് ഈ വാർഷിക സംഗമം സംഘടിപ്പിക്കുന്നത്.

സംഗീതപ്രേമികൾക്കും കുടുംബങ്ങൾക്കും ഒരുപോലെ ആസ്വദിക്കാവുന്ന ഈ മെഗാ സംഗീതസന്ധ്യയിൽ ഖത്തറിലെ മുഴുവൻ മലയാളി സമൂഹത്തെയും സംഘാടകർ ഹൃദയപൂർവ്വം സ്വാഗതം ചെയ്തു.

⸻

സ്ഥലം: ICC Ashoka Hall, Doha
തീയതി: 10 ജൂലൈ 2026
സമയം: വൈകിട്ട് 5.00 മുതൽ രാത്രി 11.00 വരെ