തമിഴ് സിനിമയിലെ ഒരു പ്രശസ്ത സംവിധായകനായ വെട്രിമാരൻ സംവിധാനം ചെയ്ത്, സിംബു വിജയ് സേതുപതി തുടങ്ങിയവർ അഭിനയിക്കുന്ന 'അരശൻ' എന്ന സിനിമയുടെ ചിത്രീകരണം പെട്ടെന്ന് നിർത്തിവച്ചു. തമിഴ് ഫിലിം പ്രൊഡ്യൂസേഴ്സ് കൗൺസിലിന്റെ ഇടപെടലിനെത്തുടർന്ന്, ഒരു ജീവനക്കാരനും ഈ സിനിമയുടെ ഷൂട്ടിങ്ങിൽ പങ്കെടുത്തില്ല. .സിംബുവിനെ നായകനാക്കി 'വെന്തു തണിന്ധത് കാട്' എന്ന ചിത്രം നിർമ്മിച്ച പ്രമുഖ നിർമ്മാതാവായ ഐസരി ഗണേഷ് നൽകിയ ഒരു പരാതിയുടെ അടിസ്ഥാനത്തിലാണ് ഈ നടപടി സ്വീകരിച്ചിരിക്കുന്നത്. വേറൊരു ചിത്രത്തിനായി സിംബു വാങ്ങിയ മുൻകൂർ പണം തിരിച്ചടയ്ക്കാതെയാണ് ഈ സിനിമയിൽ അഭിനയിക്കുന്നത് എന്നതിനാലാണ് അദ്ദേഹം പരാതി നൽകിയതെന്നാണ് റിപ്പോർട്ട്. കൂടാതെ, ഈ മുൻകൂർ പണമടയ്ക്കലിനെതിരെ ഐസരി ഗണേഷ് കോടതിയിൽ ഒരു കേസ് ഫയൽ ചെയ്തിരുന്നു. ഇതിൽ കോടതി സിംബുവിന് അനുകൂലമായാണ് വിധി പുറപ്പെടുവിച്ചിരുന്നത്. ഈ പശ്ചാത്തലത്തിലാണ് 'അരസൻ' സിനിമയുടെ നിർമ്മാണം നിർത്തിവച്ചിരിക്കുന്നത്. ഇത് അന്യായമാണെന്ന് പറഞ്ഞു സിമ്പുവിന്റെ പിതാവ് ടി.രാജേന്ദർ ഒരു പ്രസ്താവനയും ഇറക്കിയിട്ടുണ്ട്. പ്രൊഡ്യൂസേഴ്സ് കൗൺസിലും, ഫിലിം എംപ്ലോയീസ് ഫെഡറേഷൻ ഓഫ് സൗത്ത് ഇന്ത്യ എന്ന സംഘടനയും ഈ വിഷയത്തിൽ അന്യായമായുള്ള നടപടികളാണ് സ്വീകരിക്കുന്നത് എന്നാണ് ടി രാജേന്ദർ ആരോപിച്ചിരിക്കുന്നത്
ഇതല്ലാതെ സിനിമാ മേഖലയിലെ ചില വിമർശകരും ചോദ്യങ്ങൾ ഉയർത്തിയിട്ടുണ്ട്: സിമ്പു മുൻകൂർ പണം നൽകാനുള്ളതിന്റെ പേരിൽ 'അരസൻ' എന്ന സിനിമയുടെ ചിത്രീകരണം നിർത്തിവയ്ക്കുകയാണെങ്കിൽ, അതേ മാനദണ്ഡം മറ്റുള്ള നടന്മാർക്കും ബാധകമാക്കാത്തത് എന്തുകൊണ്ടാണ്? ഉദാഹരണത്തിന്, ധനുഷ് പ്രൊഡ്യൂസേഴ്സ് കൗൺസിലിന്റെ മുൻ പ്രസിഡന്റായ 'തേനാണ്ടാൾ' മുരളി രാമസാമിക്ക് ഒരു തുക നൽകാനുണ്ട്. എന്നിട്ടും, ധനുഷ് നായകനായ 'കര' എന്ന ചിത്രം അത്തരം തടസ്സങ്ങളൊന്നുമില്ലാതെ ഐസരി ഗണേഷ് എങ്ങനെ നിർമ്മിച്ചു എന്നാണവർ ചോദിക്കുന്നത്. അതുപോലെ, തമിഴ് ഫിലം പ്രൊഡ്യൂസേഴ്സ് കൗൺസിലിന്റെ മുൻ പ്രസിഡന്റും അഭിനേതാക്കളുടെ അസോസിയേഷന്റെ നിലവിലെ സെക്രട്ടറിയുമായ വിഷാൽ 'ലൈക്ക പ്രൊഡക്ഷൻസി'ന് നൽകാനുള്ള ഒരു തുക സംബന്ധിച്ച് നിയമപരമായ തർക്കത്തിൽ ഏർപ്പെട്ടിരിക്കുന്നു. എന്നിരുന്നാലും, അദ്ദേഹത്തിന്റെ സിനിമകളുടെ നിർമ്മാണം ഒരു തടസ്സവുമില്ലാതെ തുടരുന്നു. സിംബുവിന് ഒരു നിയമവും, ധനുഷ്, വിഷാൽ എന്നിവർക്ക് വ്യത്യസ്തമായ നിയമവുമാണോ എന്ന വിവാദമാണ് ഇപ്പോൾ കോളിവുഡിൽ ഇത് സംബന്ധമായി നടന്നുകൊണ്ടിരിക്കുന്നത്.
പ്രശസ്ത നിർമ്മാതാവായ ധാനുവും, പ്രശസ്ത സംവിധായകനായ വെട്രിമാരനും, സിംബുവും ചേർന്നൊരുക്കുന്ന 'അരസൻ' പോലുള്ള ഒരു സിനിമയുടെ നിർമ്മാണം ഏകപക്ഷീയമായി നിർത്തിവക്കുന്നത് ശരിയല്ല എന്നാണ് പലരുടെയും അഭിപ്രായം!
