കൊൽക്കത്ത: പ്രമുഖ സംയോജിത ലോഹ ഉൽപ്പാദകരായ ശ്യാം മെറ്റാലിക്സ് ആൻഡ് എനർജി ലിമിറ്റഡിന് അന്താരാഷ്ട്ര തലത്തിൽ ശ്രദ്ധേയമായ 'ഗ്രേറ്റ് പ്ലേസ് ടു വർക്ക്' സർട്ടിഫിക്കേഷൻ ലഭിച്ചു. 2026 ഫെബ്രുവരി മുതൽ 2027 ഫെബ്രുവരി വരെയുള്ള കാലയളവിലേക്കാണ് ഈ ആദരവ്. ജീവനക്കാരുടെ ക്ഷേമം, സുതാര്യത, തൊഴിലിടങ്ങളിലെ സുരക്ഷ, പ്രൊഫഷണൽ വളർച്ച എന്നിവയ്ക്ക് കമ്പനി നൽകുന്ന പ്രാധാന്യമാണ് ഈ നേട്ടത്തിന് പിന്നിൽ. തൊഴിൽ സംസ്കാരം സംബന്ധിച്ച് ജീവനക്കാരുടെ പ്രതികരണങ്ങളുടെയും കമ്പനിയുടെ തൊഴിൽ നയങ്ങളുടെയും അടിസ്ഥാനത്തിൽ ഗ്രേറ്റ് പ്ലേസ് ടു വർക്ക് ഇൻസ്റ്റിറ്റ്യൂട്ട് നടത്തിയ മൂല്യനിർണ്ണയത്തിനൊടുവിലാണ് ഈ അംഗീകാരം പ്രഖ്യാപിച്ചത്.
ശ്യാം മെറ്റാലിക്സ് ഡയറക്ടർ ഷീതീജ് അഗർവാൾ പറഞ്ഞു, ''കമ്പനിയുടെ വിജയത്തിൻ്റെ നട്ടെല്ല് ജീവനക്കാരാണെന്നും അവരുടെ വളർച്ചയും സംതൃപ്തിയും ഉറപ്പാക്കുന്നതിൽ തങ്ങൾ പ്രതിജ്ഞാബദ്ധരാണ്. വെല്ലുവിളികൾക്കിടയിലും ജീവനക്കാർക്ക് ബഹുമാനവും ശാക്തീകരണവും അനുഭവപ്പെടുന്ന ഒരു സാഹചര്യം സൃഷ്ടിക്കാൻ തങ്ങൾക്ക് കഴിഞ്ഞിട്ടുണ്ട്. നേതൃത്വത്തിലുള്ള വിശ്വാസ്യത, ടീമുകൾക്കിടയിലെ സൗഹൃദം, സുരക്ഷിതമായ തൊഴിൽ സാഹചര്യങ്ങൾ എന്നിവയിൽ ശ്യാം മെറ്റാലിക്സ് പുലർത്തുന്ന മികവ് ഈ സർട്ടിഫിക്കേഷനിലൂടെ വീണ്ടും അടിവരയിടുന്നു."
Photo Courtesy - Google
