പാലക്കാട്: പി വി അൻവറിന് വൻ തിരിച്ചടി നൽകി തൃണമൂൽ കോൺഗ്രസ് സംസ്ഥാന കോ ഓർഡിനേറ്റർ സിപിഎമ്മിൽ ചേർന്നു. പാലക്കാട് ഉപതെരഞ്ഞെടുപ്പിൽ പി വി അൻവർ സ്ഥാനാർത്ഥിയാക്കാൻ ആലോചിച്ച മിൻഹാജ് ആണ് സിപിഎമ്മിൽ ചേർന്നത്. നേരത്തേ, അൻവർ രൂപീകരിച്ച ഡിഎംകെയുടെ പാലക്കാട് ജില്ലാ പ്രസിഡൻറായിരുന്നു. അൻവറിൻറെ തൃണമൂൽ ബിജെപിയിലേക്ക് പോകാൻ സാധ്യതയുണ്ടെന്നാണ് മിൻഹാജ് ആരോപിക്കുന്നത്.
കൂടുതൽ പ്രവർത്തകർ സിപിഎമ്മിൽ വരുമെന്നും മിൻഹാജ് പറഞ്ഞു. ഇനിയുള്ള കാലം സിപിഎമ്മിനൊപ്പം പ്രവർത്തിക്കും. വരും ദിവസങ്ങളിൽ തൃണമൂൽ പ്രവർത്തകരെ ഉൾപ്പെടുത്തി വിപുലമായ കൺവെൻഷൻ നടത്തുമെന്നും അദ്ദഹം വ്യക്തമാക്കി. സ്ഥനമാനങ്ങൾക്കല്ല സി പി എമ്മിലെത്തിയതെന്നും മിൻഹാജ് കൂട്ടിച്ചേർത്തു.
മിൻഹാജിനെ സി പി എം സംരക്ഷിക്കുമെന്ന് ജില്ലാ സെക്രട്ടറി ഇ എൻ സുരേഷ് ബാബു പറഞ്ഞു. മിൻഹാജിനെ പാർട്ടി പരിഗണിക്കും. ഉചിതമായ രീതിയിൽ പാർട്ടി മിൻഹാജിന് പരിഗണന നൽകുമെന്നും ഇഎൻ സുരേഷ് ബാബു പറഞ്ഞു.
