ന്യൂഡൽഹി: മുൻകൂർ ജാമ്യാപേക്ഷകൾ ഹൈക്കോടതി നേരിട്ട് പരിഗണിക്കരുതെന്ന് സുപ്രീംകോടതി. മുൻകൂർ ജാമ്യം തേടുന്നവർ ആദ്യം സെഷൻസ് കോടതിയെ സമീപിക്കണം. സെഷൻസ് കോടതിയുടെ വിധി വന്ന ശേഷം മാത്രമേ ഹൈക്കോടതിയെ സമീപിക്കാൻ പാടുള്ളൂവെന്നും സുപ്രീംകോടതി വ്യക്തമാക്കി.
സെഷൻസ് കോടതിയുടെ തീരുമാനം കൂടി ലഭ്യമാകുമ്പോൾ ഹൈക്കോടതിക്ക് ജാമ്യാപേക്ഷകൾ കൂടുതൽ സൂക്ഷ്മമായി പരിശോധിക്കാൻ സാധിക്കുമെന്നും, ഇത് നിയമപരമായ പരിശോധനയ്ക്ക് ഒരു ഇരട്ട തലത്തിലുള്ള സാധ്യത നൽകുമെന്നും സുപ്രീംകോടതി ചൂണ്ടിക്കാട്ടി. ഇത് കേസിലെ എല്ലാ കക്ഷികളുടെയും താൽപ്പര്യങ്ങൾ സംരക്ഷിക്കാൻ സഹായിക്കും.
കേരള ഹൈക്കോടതി നേരിട്ട് മുൻകൂർ ജാമ്യാപേക്ഷകൾ പരിഗണിക്കുന്ന രീതിക്കെതിരെ സുപ്രീംകോടതി നേരത്തെ നോട്ടീസ് അയച്ചിരുന്നു. ജസ്റ്റിസുമാരായ സി.ടി. രവികുമാർ, സഞ്ജയ് കുമാർ എന്നിവരടങ്ങിയ ബെഞ്ചാണ് ഈ നിർണായക ഉത്തരവ് പുറപ്പെടുവിച്ചത്. 'ജഗ്ദേവ് പ്രസാദ് v. സ്റ്റേറ്റ് ഓഫ് ബിഹാർ' എന്ന കേസിലാണ് സുപ്രീംകോടതി ഈ വിധി പ്രഖ്യാപിച്ചത്.
