തൊഴിൽ, സാമ്പത്തികം, വിദ്യാഭ്യാസം, കുടുംബജീവിതം തുടങ്ങി വിവിധ മേഖലകളിൽ മാറ്റങ്ങളും നേട്ടങ്ങളും പ്രതീക്ഷിക്കാവുന്ന മാസമാണ്. ചില നക്ഷത്രക്കാർക്ക് സ്ഥാനക്കയറ്റവും പുതിയ ജോലി അവസരങ്ങളും ലഭിക്കുമ്പോൾ മറ്റുചിലർക്ക് സാമ്പത്തിക പ്രതിസന്ധികളിൽ നിന്ന് ആശ്വാസം ലഭിക്കും. ആരോഗ്യകാര്യങ്ങളിൽ ജാഗ്രത പുലർത്തേണ്ടവരുമുണ്ട്. വിവിധ നക്ഷത്രജാതരുടെ സെപ്റ്റംബറിലെ സമ്പൂർണ മാസഫലം അറിയാം.
അശ്വതി: തൊഴിൽ മേഖലയിൽ വലിയ പുരോഗതിക്കും ആഗ്രഹിച്ച മാറ്റങ്ങൾക്കും സാധ്യത. സഹപ്രവർത്തകരുടെ പൂർണ പിന്തുണ ലഭിക്കും. ഉന്നത പഠനത്തിൽ മികച്ച നേട്ടം കൈവരിക്കാം. സാമ്പത്തിക സ്ഥിതി ഭദ്രമായിരിക്കും. എന്നാൽ മാസത്തിന്റെ രണ്ടാം പകുതിയിൽ ആരോഗ്യകാര്യങ്ങളിൽ കൂടുതൽ ശ്രദ്ധ ആവശ്യമാണ്.
ഭരണി: ആത്മവിശ്വാസവും ഉണർവും വർധിക്കും. ജോലിയിൽ മേലുദ്യോഗസ്ഥരുടെ പ്രീതിയും സ്ഥാനക്കയറ്റവും ലഭിക്കാൻ സാധ്യത. മാസത്തിന്റെ പകുതിയോടെ കുടുംബത്തിൽ മംഗളകരമായ ചടങ്ങുകൾക്ക് വഴിയൊരുങ്ങും. അനാവശ്യ ചെലവുകൾ ഉണ്ടാകാമെങ്കിലും സാമ്പത്തിക പ്രതിസന്ധി നേരിടേണ്ടിവരില്ല.
കാർത്തിക: തൊഴിൽ അന്വേഷണങ്ങളിൽ പ്രതീക്ഷിച്ച വിജയം നേടാനാകും. ബിസിനസിൽ പുതിയ മാറ്റങ്ങൾ വരും. എന്നാൽ പങ്കാളികളുമായി വലിയ പരീക്ഷണങ്ങൾക്ക് തിടുക്കത്തിൽ മുതിരുന്നത് ഒഴിവാക്കണം. റിയൽ എസ്റ്റേറ്റ് മേഖലയിലെ തടസ്സങ്ങൾ മാറും. വിദേശ പഠനത്തിനോ ജോലിക്കോ അവസരം ലഭിക്കും. സംസാരത്തിൽ മിതത്വം പാലിക്കുന്നത് ഗുണകരം.
രോഹിണി: തൊഴിൽ മേഖലയിൽ തിടുക്കപ്പെട്ട തീരുമാനങ്ങൾ തിരിച്ചടിയാകാൻ സാധ്യതയുള്ളതിനാൽ സംയമനം വേണം. പാരമ്പര്യ വ്യവസായങ്ങൾ നവീകരിക്കാനാകും. ഗൃഹനിർമാണ പ്രവർത്തനങ്ങൾ വേഗത്തിലാകും. സാമ്പത്തിക ഇടപാടുകളിൽ ജാഗ്രത ആവശ്യമാണ്. പ്രണയബന്ധങ്ങളിലെ അനാവശ്യ പിടിവാശി ഒഴിവാക്കുക. സഹോദരങ്ങളിൽനിന്ന് സഹായം ലഭിക്കും.
മകയിരം: ഉന്നത ബന്ധങ്ങളിലൂടെ തൊഴിൽ മേഖലയിൽ വലിയ നേട്ടങ്ങൾ കൈവരിക്കാം. സ്ഥാനക്കയറ്റത്തിനും സാധ്യതയുണ്ട്. വിദ്യാർഥികൾക്ക് പരീക്ഷകളിലും അഭിമുഖങ്ങളിലും മികച്ച വിജയം പ്രതീക്ഷിക്കാം. കലാ-സാഹിത്യ രംഗത്തുള്ളവർക്ക് അംഗീകാരവും സാമ്പത്തിക നേട്ടവും ലഭിക്കും. സുഹൃത്തുക്കളോടൊപ്പം യാത്രകൾക്കും അവസരമുണ്ടാകും.
തിരുവാതിര: പരീക്ഷകളിൽ മികച്ച പ്രകടനം നടത്താനാകും. ജോലിയിൽ മാറ്റങ്ങൾക്ക് സാധ്യത. നിയമവ്യവഹാരങ്ങളിൽ അനുകൂല വിധി പ്രതീക്ഷിക്കാം. മേലുദ്യോഗസ്ഥരുടെ പ്രശംസ നേടും. കുടുംബത്തിൽ ചെറിയ അഭിപ്രായവ്യത്യാസങ്ങൾ ഉണ്ടാകാതിരിക്കാൻ ശ്രദ്ധിക്കണം.
പുണർതം: മാസത്തിന്റെ ആദ്യപകുതിയിൽ ചില തടസ്സങ്ങൾ നേരിടേണ്ടിവന്നാലും പിന്നീട് കാര്യങ്ങൾ അനുകൂലമാകും. വിദേശത്ത് തൊഴിൽ ലഭിക്കാനുള്ള സാധ്യതയുണ്ട്. ധനവരവ് തൃപ്തികരമായിരിക്കും. ആരോഗ്യപ്രശ്നങ്ങളിൽ ആശ്വാസം ലഭിക്കും. പഴയ സുഹൃത്തുക്കളെ വീണ്ടും കാണാനും ബന്ധങ്ങൾ പുതുക്കാനും അവസരം ലഭിക്കും.
പൂയം: ആഗ്രഹിച്ച കാര്യങ്ങൾ സഫലമാകുന്ന സമയമാണ്. സാമ്പത്തികമായി വലിയ ഉയർച്ചയും സ്ഥാനക്കയറ്റവും പ്രതീക്ഷിക്കാം. കുടുംബാന്തരീക്ഷം സന്തോഷകരമായിരിക്കും. അകന്ന ബന്ധുക്കൾ വീണ്ടും അടുത്തുവരും. ബിസിനസിൽ ലാഭം വർധിക്കും.
ആയില്യം: കൂടുതൽ പരിശ്രമം ആവശ്യമായി വരും. ജോലിയിൽ സമ്മർദ്ദം അനുഭവപ്പെട്ടാലും കാര്യങ്ങൾ സമയബന്ധിതമായി പൂർത്തിയാക്കാനാകും. സാമ്പത്തിക സഹായങ്ങൾ ലഭിക്കും. കൂട്ടുകച്ചവടത്തിൽ പങ്കാളികളുമായി ധാരണയിലെത്തേണ്ടത് പ്രധാനമാണ്. പങ്കാളിയുടെ ആരോഗ്യത്തിൽ ശ്രദ്ധ വേണം.
മകം: തൊഴിൽ മേഖലയിൽ കൃത്യമായ ആസൂത്രണം ആവശ്യമാണ്. അനാവശ്യ ചിന്തകളും ഭയങ്ങളും ഒഴിവാക്കുക. വിദ്യാർഥികൾക്ക് അനുകൂല സമയമാണ്. പ്രണയബന്ധങ്ങളിൽ പുരോഗതിയുണ്ടാകും. കലാകാരന്മാർക്ക് പുതിയ അവസരങ്ങൾ ലഭിക്കും. വസ്തു ഇടപാടുകളിൽ ലാഭം പ്രതീക്ഷിക്കാം.
പൂരം: തടസ്സപ്പെട്ടുകിടന്ന പല കാര്യങ്ങളും വീണ്ടും ആരംഭിക്കാൻ സാധിക്കും. വയോജനങ്ങളുടെ ആരോഗ്യകാര്യങ്ങളിൽ കൂടുതൽ ശ്രദ്ധ വേണം. ദീർഘകാലമായി ആഗ്രഹിച്ചിരുന്ന തീർഥാടന യാത്രകൾ സഫലമാകാൻ സാധ്യതയുണ്ട്.
ഉത്രം: ചില ഘട്ടങ്ങളിൽ മേലുദ്യോഗസ്ഥരിൽനിന്ന് പ്രതികൂല സമീപനം നേരിടേണ്ടിവരാം. സാമ്പത്തിക നീക്കിയിരുപ്പുകളിൽ പ്രത്യേക ശ്രദ്ധ ആവശ്യമാണ്. വിദേശത്ത് കഴിയുന്ന മക്കൾക്ക് പുതിയ തൊഴിൽ അവസരങ്ങളിലൂടെയും വരുമാനത്തിലൂടെയും നേട്ടമുണ്ടാകും.
അത്തം: മാസത്തിന്റെ രണ്ടാംപകുതിയിൽ മികച്ച അനുഭവങ്ങൾ ഉണ്ടാകും. വസ്തു വാങ്ങുന്നതിനും ഗൃഹനിർമാണം പൂർത്തിയാക്കുന്നതിനും അനുകൂല സാഹചര്യം. സാമ്പത്തിക ബാധ്യതകളിൽനിന്ന് ക്രമേണ മോചനം നേടാനാകും.
ചിത്തിര: കലാ-കായിക മേഖലകളിലുള്ളവർക്ക് പുതിയ അവസരങ്ങൾ ലഭിക്കും. വിദേശ ജോലി ആഗ്രഹിക്കുന്നവർക്ക് അനുകൂല ഉത്തരവുകൾ ലഭിക്കാൻ സാധ്യത. സഹപ്രവർത്തകരിൽനിന്ന് എതിർപ്പുകൾ ഉണ്ടായാലും ബുദ്ധിപൂർവം നേരിടാനാകും.
ചോതി: വ്യാപാര മേഖലയിൽ വലിയ പുരോഗതിയും പുതിയ പങ്കാളിത്തവും ഉണ്ടാകും. ആഗ്രഹിച്ച ആഭരണങ്ങളും വാഹനങ്ങളും സ്വന്തമാക്കാനാകും. പുതിയ തൊഴിൽ അന്വേഷണങ്ങൾ വിജയിക്കും. സാമ്പത്തിക സമ്മർദ്ദത്തിന് കുറവുണ്ടാകും. കുടുംബത്തോടൊപ്പം വിനോദയാത്രകൾ നടത്താൻ അവസരം ലഭിക്കും.
വിശാഖം: ഔദ്യോഗിക രംഗത്ത് അനുകൂലമായ മാറ്റങ്ങൾ ഉണ്ടാകും. പുതിയ പരീക്ഷണങ്ങൾ വിജയകരമാകും. ആരോഗ്യനില മെച്ചപ്പെടും. കുടുംബജീവിതത്തിൽ ശാന്തിയും സമാധാനവും നിലനിൽക്കും.
അനിഴം: പൊതുവേ അനുകൂലമായ കാലയളവ്. ശാരീരികവും മാനസികവുമായ ഉന്മേഷം നിലനിൽക്കും. പുതിയ പദ്ധതികൾ കാര്യക്ഷമമായി നടപ്പാക്കാനാകും. വ്യവഹാരങ്ങളിൽ വിജയം നേടാൻ സാധിക്കും.
തൃക്കേട്ട: കർമരംഗത്ത് വലിയ ഉയർച്ചയ്ക്ക് സാധ്യത. ആഗ്രഹിച്ച സ്ഥലത്തേക്ക് സ്ഥലംമാറ്റവും ലഭിക്കാം. സാമ്പത്തിക ആവശ്യങ്ങൾക്കായുള്ള ശ്രമങ്ങൾ ഫലം കാണും. ചിട്ടി, ലോൺ തുടങ്ങിയ മാർഗങ്ങളിലൂടെ ആവശ്യമായ തുക ലഭിക്കാൻ സാധ്യത. സുഹൃത്തുക്കളുടെ സഹായത്തോടെ പുതിയ പദ്ധതികൾ ആരംഭിക്കാം.
മൂലം: തൊഴിൽ മേഖലയിൽ ചില കഠിന പരീക്ഷണങ്ങൾ നേരിടേണ്ടിവന്നാലും സമചിത്തതയോടെ മറികടക്കാനാകും. സർക്കാർ സംബന്ധമായ കാര്യങ്ങളിൽ വിജയം ലഭിക്കും. ആഡംബര വസ്തുക്കളും ഇലക്ട്രോണിക് ഉപകരണങ്ങളും വാങ്ങാൻ സാധ്യത. സാമ്പത്തിക ബുദ്ധിമുട്ടുകൾക്ക് ആശ്വാസമുണ്ടാകും. വാഹനം കൈകാര്യം ചെയ്യുമ്പോൾ പ്രത്യേകം ശ്രദ്ധ വേണം.
പൂരാടം: പൊതുപ്രവർത്തനങ്ങളിലും സാംസ്കാരിക പ്രവർത്തനങ്ങളിലും പ്രശംസ നേടും. തൊഴിലന്വേഷകർക്ക് മികച്ച അവസരങ്ങൾ ലഭിക്കും. ബിസിനസിൽ സാമ്പത്തിക നേട്ടം വർധിക്കും. മക്കളുടെ വിദ്യാഭ്യാസവുമായി ബന്ധപ്പെട്ട് സന്തോഷകരമായ വാർത്തകൾ കേൾക്കാം.
ഉത്രാടം: ആഗ്രഹങ്ങൾ ഒന്നൊന്നായി സഫലമാകുന്ന സമയമാണ്. തൊഴിൽ മേഖലയിൽ മേലുദ്യോഗസ്ഥർ നിങ്ങളുടെ നിർദേശങ്ങളെ അംഗീകരിക്കും. പുതിയ ജോലിക്കുള്ള ഉത്തരവുകൾ ലഭിക്കും. കുടുംബസമേതമുള്ള യാത്രകൾ മനസ്സിന് സന്തോഷവും ഉന്മേഷവും നൽകും.
തിരുവോണം: പാരമ്പര്യ തൊഴിലുകളിൽനിന്ന് കൂടുതൽ വരുമാനം ലഭിക്കും. വിദേശത്ത് കഴിയുന്നവരുടെ വിസ സംബന്ധമായ പ്രശ്നങ്ങൾക്ക് പരിഹാരമുണ്ടാകും. റിയൽ എസ്റ്റേറ്റ് മേഖലയിലെ തടസ്സങ്ങൾ നീങ്ങും. വിവാഹകാര്യങ്ങളിൽ ശുഭകരമായ തീരുമാനങ്ങൾക്ക് സാധ്യത.
അവിട്ടം: തൊഴിൽ രംഗത്തെ നീക്കങ്ങൾ ശരിയായ ലക്ഷ്യത്തിലെത്തും. എതിരാളികളുടെ നീക്കങ്ങളെ അതിജീവിക്കാനാകും. ധനാഗമം സുഗമമാകും. വിദേശത്ത് ജോലി നേടാനുള്ള ആഗ്രഹം സഫലമാകാൻ സാധ്യത. മേലുദ്യോഗസ്ഥരുടെ പ്രശംസ ലഭിക്കും.
ചതയം: കഴിവുകൾക്ക് അർഹമായ അംഗീകാരം ലഭിക്കും. ജോലിയിൽ സ്ഥാനക്കയറ്റത്തിനും ശമ്പളവർധനയ്ക്കും സാധ്യത. വ്യാപാരത്തിൽ പുതിയ പങ്കാളികളെ ലഭിക്കും. സാമ്പത്തിക സ്ഥിതി മെച്ചപ്പെടും. കുടുംബാംഗങ്ങളുമായുള്ള പഴയ തർക്കങ്ങൾ പരിഹരിക്കപ്പെടും.
പൂരുരുട്ടാതി: അനുകൂലമായ സാഹചര്യങ്ങൾ മൂലം വിവിധ മേഖലകളിലും മുന്നേറ്റമുണ്ടാകും. വിദേശയാത്രകൾക്ക് വഴിതെളിയും. സാമ്പത്തിക സഹായങ്ങൾ സമയത്ത് ലഭിക്കും. സ്വന്തമായി വസ്തുവോ വീടോ വാങ്ങാനുള്ള ആഗ്രഹം സഫലമാകാം. ദാമ്പത്യജീവിതത്തിൽ സമാധാനം നിലനിൽക്കും.
ഉത്രട്ടാതി: മാനസിക സമ്മർദ്ദങ്ങൾ കുറയുകയും മനസ്സമാധാനം കൈവരിക്കുകയും ചെയ്യും. പുതിയ തൊഴിൽ സംരംഭങ്ങൾ ആരംഭിക്കാൻ അനുയോജ്യമായ സമയമാണ്. സുഹൃത്തുക്കളിലൂടെയും ബന്ധുക്കളിലൂടെയും സാമ്പത്തിക സഹായം ലഭിക്കും.
രേവതി: ബൗദ്ധിക നേട്ടങ്ങളും പഠനമികവും കൈവരിക്കാനാകും. ചില കാര്യങ്ങളിൽ കാലതാമസം നേരിട്ടാലും ഒടുവിൽ വിജയം സ്വന്തമാക്കും. തൊഴിലില്ലാത്തവർക്ക് പുതിയ ജോലി ലഭിക്കാൻ സാധ്യത. ധനവർധനയും കുടുംബത്തിൽ സമാധാനവും ഉണ്ടാകും.
