ദോഹ: 48 ടീമുകൾക്ക് പകരം 64 ടീമുകളെ ഉൾപ്പെടുത്തി 2034-ൽ വിപുലീകരിച്ച ലോകകപ്പിന് ആതിഥേയത്വം വഹിക്കാൻ സന്നദ്ധ മാണെന്ന്സൗദി കായിക മന്ത്രി പ്രിൻസ് അബ്ദുൽ അസീസ് ബിൻ തുർക്കി അൽ-ഫൈസൽ.
ജിദ്ദയിൽ ഫോർമുല 1 റേസിനിടെ പ്രിൻസ് അബ്ദുൽ അസീസ് അൽ-ഫൈസൽ മാധ്യമപ്രവർത്തകരോട് ഇക്കാര്യം വ്യക്തമാക്കിയതായി ദി അത്‌ലറ്റിക് റിപ്പോർട്ട് ചെയ്തു.
1998 മുതൽ 2022 വരെ 32 ടീമുകളായിപരിമിതപ്പെടുത്തിയിരുന്ന ടൂർണമെന്റിന് ശേഷം, അമേരിക്ക, കാനഡ, മെക്സിക്കോ എന്നിവിടങ്ങളിൽ നടക്കാനിരിക്കുന്ന 2026 ലോകകപ്പ്, 48 ടീമുകൾ പങ്കെടുക്കുന്ന ടൂർണമെന്റിന്റെ ആദ്യ പതിപ്പായിരിക്കും. മത്സരങ്ങളുടെ എണ്ണം 64 ൽ നിന്ന് 104 മത്സരങ്ങളായി ഉയർത്തി.
2034 പതിപ്പിലെ ടീമുകളുടെ എണ്ണം 64 ആയി ഉയർത്താൻ ഇതുവരെ ഔദ്യോഗിക തീരുമാനമെടുത്തിട്ടില്ലെങ്കിലും, പുതിയൊരു വിപുലീകരണ ആശയത്തിന് CONMEBOL-ൽ കൂടുതൽ പിന്തുണ ലഭിക്കുന്നപ്രതീക്ഷയിലാണ് സൗദി അറേബ്യ
