റിയാദ്: 2026 ലോകകപ്പ് ഫുട്ബോളിന്റെ ഗ്രൂപ്പ് ഘട്ടത്തിൽ നിന്ന് സൗദി അറേബ്യ പുറത്തായതിന് പിന്നാലെ സൗദി അറേബ്യൻ ഫുട്ബോൾ ഫെഡറേഷൻ പ്രസിഡന്റ് യാസർ അൽ-മിസ്ഹാൽ രാജിവെച്ചു. അടുത്ത റൗണ്ടിലേക്ക് യോഗ്യത നേടാനാകാത്തതിന്റെ പൂർണ്ണ ഉത്തരവാദിത്തം ഏറ്റെടുത്താണ് രാജി.
സൗദി ടീമിന്റെ പ്രകടനം ആരാധകരുടെ പ്രതീക്ഷയ്‌ക്കൊത്തുയരാത്തതിൽ ഖേദം പ്രകടിപ്പിച്ച അൽ-മിസ്ഹാൽ, സൗദി ഫുട്ബോൾ ആരാധകരോട് ക്ഷമാപണം നടത്തി. പുതിയൊരു ഭരണസമിതിക്ക് കീഴിൽ പുതിയൊരു ഘട്ടത്തിന് തുടക്കം കുറിക്കാൻ വേണ്ടിയാണ് ഔദ്യോഗിക കാലാവധി അവസാനിക്കുന്നതിന് മുൻപ് തന്നെ ഒഴിഞ്ഞുകൂടാനുള്ള തീരുമാനമെടുത്തതെന്ന് അദ്ദേഹം വ്യക്തമാക്കി. നിലവിലുള്ള നിയമങ്ങൾക്കനുസൃതമായി പുതിയ ഭരണസമിതിയെ തിരഞ്ഞെടുക്കുന്നതിനുള്ള നാമനിർദ്ദേശ പത്രിക സമർപ്പിക്കുന്നതിനുള്ള നടപടികൾ ഉടൻ ആരംഭിക്കും. സൗദി കായിക മേഖലയ്ക്ക് ഭരണാധികാരികളും കായിക മന്ത്രാലയവും നൽകിയ പിന്തുണയ്ക്ക് അദ്ദേഹം നന്ദി അറിയിച്ചു.
