മക്ക: സൗദി അറേബ്യ, തുർക്കി, പാകിസ്താൻ എന്നീ രാജ്യങ്ങൾ ചരിത്രപരമായ സംയുക്ത പ്രതിരോധ കരാറിൽ (Makkah Agreement for Joint Defense) ഒപ്പുവെച്ചു. മക്കയിൽ വെച്ച് നടന്ന ത്രിരാഷ്ട്ര ഉച്ചകോടിയിൽ സൗദി കിരീടാവകാശിയും പ്രധാനമന്ത്രിയുമായ മുഹമ്മദ് ബിൻ സൽമാൻ അൽ സൗദ്, തുർക്കി പ്രസിഡന്റ് റെജപ് തയ്യിപ് എർദോഗൻ, പാകിസ്താൻ പ്രധാനമന്ത്രി മുഹമ്മദ് ഷഹ്ബാസ് ശരീഫ് എന്നിവരാണ് കരാറിൽ ഒപ്പുവെച്ചത്.
മൂന്ന് രാജ്യങ്ങളും തമ്മിലുള്ള തന്ത്രപ്രധാന സുരക്ഷാ-പ്രതിരോധ സഹകരണം ശക്തമാക്കുകയാണ് കരാറിന്റെ പ്രധാന ലക്ഷ്യം. പങ്കാളിത്ത രാജ്യങ്ങളിൽ ഏതെങ്കിലും ഒന്നിന് നേരെ ഉണ്ടാകുന്ന സായുധ ആക്രമണം മൂന്ന് രാജ്യങ്ങൾക്ക് നേരെയുമുള്ള ആക്രമണമായി കണക്കാക്കുമെന്നും, സംയുക്ത പ്രതിരോധം ഉറപ്പാക്കുമെന്നും ഉച്ചകോടിക്ക് ശേഷം പുറപ്പെടുവിച്ച സംയുക്ത പ്രസ്താവനയിൽ വ്യക്തമാക്കി.
മേഖലയിലും ലോകമെമ്പാടും സമാധാനവും സുരക്ഷയും സ്ഥിരതയും ഉറപ്പാക്കാൻ ഈ കരാർ വഴിപകരുമെന്ന് നേതാക്കൾ അഭിപ്രായപ്പെട്ടു. സൗദി പ്രസ് ഏജൻസിയാണ് വാർത്ത പുറത്തുവിട്ടത്.
