ബെംഗളൂരു: നിർമാണ-ഹെവി ഉപകരണ നിർമ്മാതാക്കളായ സാനി ഇന്ത്യ തങ്ങളുടെ ഏറ്റവും ശക്തവും നൂതനവുമായ യന്ത്രങ്ങളുടെ നിര ബെംഗളുരുവിൽ നടന്ന എക്സ്കോൺ 2025-ൽ അനാച്ഛാദനം ചെയ്തു. വേഗത, സുസ്ഥിരത, ചെലവ് കാര്യക്ഷമത, വലിയ തോതിലുള്ള നിർവ്വഹണം എന്നിവയ്ക്കായി രൂപകൽപ്പന ചെയ്ത 39 പുതിയ തലമുറ മെഷീനുകളാണ് കമ്പനി അവതരിപ്പിച്ചത്.
ഖനനം, ഹെവി-ഡ്യൂട്ടി ഇലക്ട്രിക് ലോജിസ്റ്റിക്സ്, ഫോർക്ക് ലിഫ്റ്റുകൾ, ഹോയിസ്റ്റിംഗ് എന്നിവ ഉൾപ്പെടെ വിവിധ വിഭാഗങ്ങളിലാണ് പുതിയ ഉൽപ്പന്നങ്ങൾ. ഇതിൽ സുസ്ഥിരമായ നിർമ്മാണത്തിനുള്ള എസ്വൈ215ഇപി (21-ടൺ കേബിൾ-ഓപ്പറേറ്റഡ് ഇലക്ട്രിക് എക്സ്കവേറ്റർ), എസ്വൈ375ഇപി (38-ടൺ ക്ലാസ് കേബിൾ ഓപ്പറേറ്റഡ് ഇലക്ട്രിക് എക്സ്കവേറ്റർ) എന്നീ ഇലക്ട്രിക് എക്സ്കവേറ്ററുകൾ ശ്രദ്ധേയമാണ്.
ഇവ മലിനീകരണം ഇല്ലാത്തതും പ്രവർത്തനച്ചെലവ് മൂന്നിരട്ടി വരെ കുറയ്ക്കുന്നതുമാണ്. കൂടാതെ, തുറസ്സായ സ്ഥലങ്ങളിൽ ഉപയോഗിക്കാൻ കഴിയുന്ന ഇന്ത്യയിലെ ആദ്യത്തെ 3-ടൺ, 5-ടൺ ഇലക്ട്രിക് ഫോർക്ക് ലിഫ്റ്റുകളും കമ്പനി അവതരിപ്പിച്ചു. പുതിയ എക്സ്കവേറ്ററുകൾ, ക്രെയിനുകൾ, റോഡ് റോളറുകൾ എന്നിവയും ഈ ശ്രേണിയിൽ ഉൾപ്പെടുന്നു.
Photo Courtesy - Google
