സമസ്തകേരള സാഹിത്യപരിഷത്ത് ശതാബ്ദി ആഘോഷത്തിൻ്റെ സ്വാഗത സംഘ രൂപീകരണ യോഗം മേയർ വി.കെ മിനിമോൾ ഉദ്ഘാടനം ചെയ്യുന്നു
കൊച്ചി: സമസ്തകേരള സാഹിത്യപരിഷത്ത് ശതാബ്ദി ആഘോഷത്തിനു സ്വാഗതസംഘം രൂപീകരിച്ചു. ഒരു വർഷം നീണ്ടുനിൽക്കുന്ന ആഘോഷത്തിന് മുഖ്യമന്ത്രി വി.ഡി. സതീശൻ മുഖ്യരക്ഷാധികാരിയായി 201 അംഗ സ്വാഗത സംഘമാണ് രൂപീകരിച്ചത്. ഇതിൻ്റെ ഭാഗമായി സാഹിത്യ പരിഷത്ത് ക്യാമ്പസിൽ സ്വാഗത സംഘം ഓഫീസ് തുറന്നു. സ്വാഗത സംഘ രൂപീകരണയോഗം മേയർ വി.കെ മിനിമോൾ ഉദ്ഘാടനം ചെയ്തു.
സാഹിത്യ പരിഷത്ത് പ്രസിഡൻ്റ് ഡോ. ടി. എസ് ജോയി അധ്യക്ഷത വഹിച്ചു. ടി.ജെ വിനോദ് എം എൽ .എ , ഡപ്യൂട്ടി മേയർ വി. ആർ. സുധീർ, കൗൺസിലർ, കെ .വി . പി കൃഷ്ണകുമാർ, പരിഷത്ത് ഭാരവാഹികളായ ഡോ.നെടുമുടി ഹരികുമാർ, ഡോ. എം. സി ദിലീപ് കുമാർ, ഡോ. അജിതൻ മേനോത്ത്, കെ. എൽ മോഹനവർമ്മ, ശ്രീമൂലനഗരം മോഹൻ, ബി. ഭദ്ര, എം.കെ ശശീന്ദ്രൻ , ടി. പി.എം ഇബ്രാഹിം ഖാൻ, പി. രാമചന്ദ്രൻ, ഖദീജ സെയ്തുമുഹമ്മദ്, കെ.ബി സാബു, പി.കെ സജീവൻ എന്നിവർ പ്രസംഗിച്ചു.
Photo Courtesy - Google
