തങ്കത്തിന് ശേഷം സഹീദ് അറാഫത്ത് സംവിധാനം ചെയ്യുന്ന പുതിയ ചിത്രത്തിൽ ദിലീഷ് പോത്തനും അൽഫോൻസ് പുത്രനും പ്രധാന വേഷങ്ങളിൽ എത്തുന്നു. ചിത്രത്തിന്റെ ഷൂട്ടിംഗ് സെപ്റ്റംബർ ആദ്യം ഇടുക്കിയിൽ ആരംഭിക്കും.
കട്ടപ്പനയിലെ ഋത്വിക് റോഷൻ, അഡിയോസ് അമിഗോ എന്നീ ചിത്രങ്ങളുടെ തിരക്കഥാകൃത്തായ അജി പീറ്റർ തങ്കമാണ് ഈ ചിത്രത്തിന് തിരക്കഥ ഒരുക്കുന്നത്. നവരസ ഫിലിംസിന്റെ ബാനറിലാണ് നിർമ്മാണം. ചിത്രത്തിലെ മറ്റ് രണ്ട് പ്രധാന കഥാപാത്രങ്ങളെ അവതരിപ്പിക്കുന്നവരെ ഇതുവരെ തീരുമാനിച്ചിട്ടില്ല.
അതേസമയം, ഭാവന സ്റ്റുഡിയോസ് നിർമ്മിച്ച് കിരൺ ജോസി സംവിധാനം ചെയ്യുന്ന ഇന്ദ്രജിത്ത് - സന്ദീപ് പ്രദീപ് ചിത്രത്തിലും ദിലീഷ് പോത്തൻ ഒരു പ്രധാന വേഷത്തിൽ എത്തുന്നുണ്ട്. പൊള്ളാച്ചിയിൽ അവസാനഘട്ട ചിത്രീകരണം പുരോഗമിക്കുന്ന ഈ ചിത്രത്തിലൂടെ സംവിധായകനും നടനുമായ സിദ്ധാർത്ഥ് ഭരതന്റെ ഭാര്യ സുജിന ശ്രീധരൻ അഭിനയത്തിലേക്ക് അരങ്ങേറ്റം കുറിക്കുന്നു. ഇന്ദ്രജിത്തിന്റെ നായികയായാണ് സുജിന എത്തുന്നത്.
