കൊല്ലം:തിരുവിതാംകൂർ ദേവസ്വം ബോർഡ് മുൻ പ്രസിഡന്റ് എൻ. വാസുവിന് തിരിച്ചടി: ശബരിമല ശ്രീകോവിൽ കട്ടിളപ്പാളിയിലെ സ്വർണം കവർന്ന കേസിൽ കൊല്ലം വിജിലൻസ് കോടതി ജാമ്യം നിഷേധിച്ചു.
കോടതിയുടെ നിരീക്ഷണം:
ലക്ഷക്കണക്കിന് അയ്യപ്പഭക്തരുടെ വിശ്വാസത്തിന് മുറിവേൽപ്പിച്ച സംഭവമായതിനാൽ പ്രായമോ ആരോഗ്യപ്രശ്നങ്ങളോ പരിഗണിക്കാനാവില്ല.
തെളിവ് നശിപ്പിക്കാൻ സാധ്യത:
മുൻ സ്ഥാനങ്ങൾ പരിഗണിച്ച് ജാമ്യം നൽകിയാൽ തെളിവുകൾ നശിപ്പിക്കാൻ സാധ്യതയുണ്ടെന്നും കോടതി ചൂണ്ടിക്കാട്ടി.
ഹൈക്കോടതിയിലേക്ക്:
വിജിലൻസ് കോടതി ജാമ്യം നിഷേധിച്ച സാഹചര്യത്തിൽ എൻ. വാസു ഇന്ന് ഹൈക്കോടതിയിൽ ജാമ്യഹർജി ഫയൽ ചെയ്യും.
മറ്റ് പ്രതികൾ: മുൻ പ്രസിഡന്റ് എ. പത്മകുമാറിനെ റിമാൻഡ് നീട്ടാനായി ഇന്ന് ഹാജരാക്കും. മറ്റൊരു പ്രതിയായ സുധീഷ് കുമാറിന്റെ ജാമ്യഹർജി എട്ടിലേക്ക് മാറ്റി.
ഹൈക്കോടതിയുടെ ഇടപെടൽ:
ശബരിമല കേസിൽ അന്വേഷണം തൃപ്തികരം; തടസ്സം നേരിട്ടാൽ ഉടൻ അറിയിക്കണം.
2014 മുതൽ 2025 വരെയുള്ള ദേവസ്വം ബോർഡ് ഇടപാടുകൾ അന്വേഷിക്കണം.
കേസിന്റെ ഗൗരവം കണക്കിലെടുത്ത് ഹൈക്കോടതി അന്വേഷണത്തിന് സമയം നീട്ടി നൽകി.
അടുത്ത വാദം ജനുവരി 5ന്.
