ന്യൂഡൽഹി: വനിതാ ഗുസ്തി താരങ്ങളുടെ ലൈംഗിക പീഡന പരാതിയിൽ ഗുസ്തി ഫെഡറേഷൻ മുൻ അധ്യക്ഷനും മുൻ ബിജെപി എംപിയുമായ ബ്രിജ് ഭൂഷൺ ശരൺ സിങ്ങിനെ ഡൽഹിയിലെ റൗസ് അവന്യൂ കോടതി കുറ്റവിമുക്തനാക്കി. കേസിലെ മറ്റൊരു പ്രതിയായിരുന്ന വിനോദ് തോമറിനെയും കോടതി വെറുതെവിട്ടു.
2023ൽ വനിതാ ഗുസ്തി താരങ്ങൾ ജന്തർ മന്തറിൽ നടത്തിയ ദീർഘകാല പ്രതിഷേധത്തെ തുടർന്നാണ് ഡൽഹി പൊലീസ് ബ്രിജ് ഭൂഷൺ ശരൺ സിങ്ങിനെതിരെ കേസെടുത്തത്. തുടർന്ന് 2023 ജൂൺ 15ന് ഏകദേശം 1,500 പേജുകളടങ്ങിയ കുറ്റപത്രം പൊലീസ് കോടതിയിൽ സമർപ്പിച്ചിരുന്നു.
ഇന്ത്യൻ റെസ്‌ലിങ് ഫെഡറേഷന്റെ അധ്യക്ഷനായിരുന്ന കാലത്ത് ഇന്ത്യയിലും വിദേശത്തുമായി നിരവധി വനിതാ ഗുസ്തി താരങ്ങളെ ലൈംഗികമായി പീഡിപ്പിച്ചുവെന്നായിരുന്നു പരാതിക്കാരുടെ ആരോപണം. ഈ പരാതികളുടേതടിസ്ഥാനത്തിലായിരുന്നു കേസിന്റെ അന്വേഷണം പുരോഗമിച്ചത്.
എന്നാൽ കേസ് പരിഗണിച്ച ഡൽഹി റൗസ് അവന്യൂ കോടതി ബ്രിജ് ഭൂഷൺ ശരൺ സിങ്ങിനെയും സഹപ്രതിയായ വിനോദ് തോമറിനെയും കുറ്റവിമുക്തരാക്കുന്ന വിധി പ്രസ്താവിച്ചു.
