റോട്ടറി ഡിസ്ട്രിക്ട് 3205 ഫ്യൂഷൻ വൈബ്രന്റ് ക്ലബ്ബ് സെമിനാർ കലൂർ ഗോകുലം കൺവെൻഷൻ സെന്ററിൽ റോട്ടറി ഇന്റർനാഷ്ണൽ ഡയറക്ടർ എം. മുരുഗാനന്ദം, ഡിസ്ട്രിക്ട് ഗവർണർ ഡോ.ജി.എൻ. രമേഷ്, ചെയർമാൻ അഡ്വ. പ്രേംകുമാർ, പറവൂർ റോട്ടറി ക്ലബ്ബ് പ്രസിഡന്റ് അഡ്വ. ജോർജ് തോമസ് എന്നിവർ ചേർന്ന് തിരി തെളിയിച്ച് ഉദ്ഘാടനം ചെയ്യുന്നു.
കൊച്ചി: റോട്ടറിഡിസ്ട്രിക്ട് 3205 ഫ്യൂഷൻ വൈബ്രന്റ് ക്ലബ്ബ് സെമിനാർ സംഘടിപ്പിച്ചു. കലൂർ ഗോകുലം കൺവെൻഷൻ സെന്ററിൽ നടന്ന ചടങ്ങ് റോട്ടറി ഇന്റർ നാഷ്ണൽ ഡയറക്ടർ എം. മുരുഗാനന്ദം ഉദ്ഘാടനം ചെയ്തു. ഐക്യത്തോടെ പ്രവർത്തിച്ചാൽ സമൂഹത്തിലുണ്ടാകുന്ന ഏത് പ്രതിസന്ധികളേയും അതിജീവിക്കാനാകുമെന്ന് അദ്ദേഹം പറഞ്ഞു. ടീം വർക്കിനേ വിജയിക്കാനാകൂ. ഓരോരുത്തർക്കും ലഭിക്കുന്ന അവസരങ്ങളെ അതാത് സമയത്ത് ഉപയോഗപ്പെടുത്താനായാൽ വിജയം സുനിശ്ചിതമാണെന്നും അദ്ദേഹം പറഞ്ഞു. ഡിസ്ട്രിക്ട് ഗവർണർ ഡോ. ജി.എൻ. രമേഷ് അധ്യഷത വഹിച്ച ചടങ്ങിൽ ചെയർമാൻ അഡ്വ. പ്രേംകുമാർ സ്വാഗതം പറഞ്ഞു. കൊച്ചി മെട്രോ മാനേജിംഗ് ഡയറക്ടർ ലോക് നാഥ് ബഹറ, അമ്മ ജനറൽ സെക്രട്ടറി കുക്കു പരമേശ്വരൻ , എസ് സി എം എസ് ഗ്രൂപ്പ് വൈസ് ചെയർമാൻ ഡോ. രാധാ പി.തേവന്നൂർ, മുൻ ഡിസ്ട്രിക്ട് ഗവർണ്ണർമാരായ സുരേഷ് നിലമേൽ, സുനിൽ സക്കറിയ, ടി. അജയകുമാർ, ജോസ് ചാക്കോ, പറവൂർ റോട്ടറി ക്ലബ് പ്രസിഡന്റ് അഡ്വ. ജോർജ് തോമസ് എന്നിവർ പ്രസംഗിച്ചു.
