ദോഹ: ഏഷ്യൻ ക്രിക്കറ്റ് കൗൺസിൽ (ACC) സംഘടിപ്പിക്കുന്ന റൈസിങ് സ്റ്റാർസ് ഏഷ്യ കപ്പ് ടി20 ടൂർണമെന്റ് ഖത്തറിൽ നവംബർ 14 മുതൽ 23 വരെ നടക്കും. ഖത്തർ ക്രിക്കറ്റ് അസോസിയേഷൻ (QCA) ആതിഥേയത്വം വഹിക്കുന്ന ഈ മത്സരം വെസ്റ്റ് എൻഡ് ഇന്റർനാഷണൽ ക്രിക്കറ്റ് സ്റ്റേഡിയത്തിൽ വെച്ചായിരിക്കും.
ടൂർണമെന്റിൽ എട്ട് ടീമുകളാണ് പങ്കെടുക്കുന്നത് — ഇന്ത്യ A, പാക്കിസ്ഥാൻ A, അഫ്ഗാനിസ്ഥാൻ, ബംഗ്ലാദേശ്, ഒമാൻ, യുഎഇ, ഹോങ്കോങ്, ശ്രീലങ്ക എന്നീ രാജ്യങ്ങൾ. പൂർണ്ണ അംഗ രാജ്യങ്ങൾ A ടീമുകളെ അയയ്ക്കുമ്പോൾ, അസോസിയേറ്റ് രാജ്യങ്ങൾ പ്രധാന ടീമുകളെ പങ്കെടുപ്പിക്കും.
നവംബർ 16-ന് ഇന്ത്യയും പാക്കിസ്ഥാനും ഏറ്റുമുട്ടുന്ന മത്സരം ടൂർണമെന്റിന്റെ പ്രധാന ആകർഷണമായി മാറും. ഉദ്ഘാടന മത്സരത്തിൽ പാക്കിസ്ഥാനും ഒമാനും ഏറ്റുമുട്ടും.
ഇന്ത്യ ടീമിനെ ജിതേഷ് ശർമ്മ നയിക്കും നമൻ ധീരാണ് വൈസ് ക്യാപ്റ്റനാണ്. 14-കാരനായ ഐപിഎൽ താരമായ വൈഭവ് സൂര്യവൻശിയും ടീമിൽ ഉൾപ്പെട്ടിട്ടുണ്ട്.
ടൂർണമെന്റ് പൊതു ജനങ്ങൾക്ക് ടിക്കറ്റോടെ പ്രവേശനം ലഭ്യമാകും.
