ദോഹ: കോവിഡ്-19 വാക്സിൻ സുരക്ഷയെക്കുറിച്ചുള്ള സമഗ്രമായ നിരീക്ഷണവും വിശകലനവും ഉൾക്കൊള്ളുന്ന പഠനംറിപ്പോർട്ട് പ്രസിദ്ധികരിച്ചു.ഹമദ് മെഡിക്കൽ ഹോസ്പിറ്റൽ, പ്രൈമറി ഹെൽത്ത് കെയർ കോർപ്പറേഷൻ, ഖത്തർ യൂണിവേഴ്സിറ്റി എന്നിവിടങ്ങളിലെ ഗവേഷകർ നടത്തിയ പഠനറിപ്പോർട്ടാണ് കഴിഞ്ഞദിവസം പ്രസിദ്ധീകരിച്ചത്.
വൈറസിന്റെ വ്യാപനം തടയുന്നതിലും പ്രത്യേകിച്ച് കോവിഡ്-19 ന്റെ പശ്ചാത്തലത്തിൽ ഗുരുതരമായ ഫലങ്ങൾ ലഘൂകരിക്കുന്നതിലും വാക്സിനേഷന്റെ പ്രധാന പങ്ക് ഗവേഷണം എടുത്തുകാണിക്കുന്നു.
ആസ്ട്രാസെനെക്ക, മോഡേണ, ഫൈസർ, ഫൈസർ പീഡിയാട്രിക് തുടങ്ങിയ വ്യത്യസ്ത കോവിഡ്-19 വാക്സിനുകളുടെ വിവിധ ഡോസുകളിൽ നൽകിയതിനെത്തുടർന്ന് റിപ്പോർട്ട് ചെയ്യപ്പെട്ട പ്രതികൂല സംഭവങ്ങളുടെ വ്യാപനത്തെയും തരങ്ങളെയും ഗവേഷണം താരതമ്യം ചെയ്യുന്നു. അനാഫൈലക്സിസ് പോലുള്ള ഗുരുതരമായ പ്രതികരണങ്ങൾ ഉൾപ്പെടെയുള്ള പ്രാദേശികവും വ്യവസ്ഥാപരവുമായ ലക്ഷണങ്ങളിലെ പാറ്റേണുകൾ നിർവചിക്കുക എന്നതായിരുന്നു ഈ വാക്സിനുകളുടെ സുരക്ഷാ പ്രൊഫൈലുകളെക്കുറിച്ചുള്ള ധാരണ വർദ്ധിപ്പിക്കുക എന്നതായിരുന്നു ലക്ഷ്യം.
