ദോഹ: ഖത്തറിലെ പ്രമുഖ റീട്ടെയിൽ ശൃംഖലകളിലൊന്നായ റവാബി ഹൈപ്പർമാർക്കറ്റ്, പ്രാദേശികമായി ഉൽപ്പാദിപ്പിക്കുന്ന ഉൽപ്പന്നങ്ങൾക്ക് പ്രോത്സാഹനം നൽകുന്നതിനും ഖത്തരി ബ്രാൻഡുകളുടെ സാന്നിധ്യം റീട്ടെയിൽ മേഖലയിലുടനീളം ശക്തിപ്പെടുത്തുന്നതിനുമായി വാണിജ്യ വ്യവസായ മന്ത്രാലയവുമായി (MoCI) സഹകരിച്ച് സംഘടിപ്പിക്കുന്ന 'റവാബി ദേശീയ ഉൽപ്പന്ന വാരാഘോഷത്തിന്' തുടക്കം കുറിച്ചു. ഖത്തറിന്റെ ദേശീയ ഉൽപ്പന്നങ്ങളെ പ്രോത്സാഹിപ്പിക്കുന്നതിനുള്ള റവാബിയുടെ പ്രതിബദ്ധതയുടെ ഭാഗമായാണ് ഈ സംരംഭം സംഘടിപ്പിക്കുന്നത്.
ഖത്തറിലെ എല്ലാ റവാബി ഹൈപ്പർമാർക്കറ്റ് ശാഖകളിലുമായി നടക്കുന്ന ഈ പരിപാടിയുടെ ഔദ്യോഗിക ഉദ്ഘാടനം 2026 നവംബർ 06-ന് ഖത്തറിലെ ഏറ്റവും വലിയ ഒറ്റനില ഹൈപ്പർമാർക്കറ്റായ റവാബി ഹൈപ്പർമാർക്കറ്റ് ഇസ്ഗാവയിൽ വെച്ച് നടന്നു.
വാണിജ്യ വ്യവസായ മന്ത്രാലയത്തിലെ ദേശീയ ഉൽപ്പന്ന പിന്തുണയും മത്സരക്ഷമതയും സംബന്ധിച്ച വകുപ്പ് ഡയറക്ടർ ഡോ. മുഹമ്മദ് അൽ സയ്യിദ്, അസിസ്റ്റന്റ് ഡയറക്ടർ ശ്രീ. ജാസിം അൽ കുവാരി, ദേശീയ ഉൽപ്പന്ന മത്സരക്ഷമതാ പിന്തുണ വിഭാഗം മേധാവി ശ്രീ. അഹമ്മദ് റദ്വാൻ, ദേശീയ ഉൽപ്പന്ന മത്സരക്ഷമതാ പഠന വിഭാഗം മേധാവി ശ്രീ. ഹുസൈൻ അൽ സായിഗ് എന്നിവർ ചടങ്ങിൽ പങ്കെടുത്തു.
അൽ റവാബി ഗ്രൂപ്പ് ഓഫ് കമ്പനീസിന്റെ എക്സിക്യൂട്ടീവ് ഡയറക്ടർ ശ്രീ. അജ്മൽ അബ്ദുല്ല, അസോസിയേറ്റ് ഡയറക്ടർ ശ്രീ. മുഹമ്മദ് സിനാൻ, വിവിധ വകുപ്പ് മേധാവികൾ, മറ്റ് വിശിഷ്ടാതിഥികൾ എന്നിവരും ഉദ്ഘാടന ചടങ്ങിൽ സന്നിഹിതരായിരുന്നു.
ഖത്തറിൽ നിർമ്മിക്കുന്ന വൈവിധ്യമാർന്ന ഭക്ഷ്യ ഉൽപ്പന്നങ്ങളും ഉപഭോക്തൃ ഉൽപ്പന്നങ്ങളും ദേശീയ ഉൽപ്പന്ന വാരാഘോഷത്തിൽ പ്രദർശിപ്പിക്കുന്നുണ്ട്. ഖത്തറിലെ പ്രാദേശിക കമ്പനികൾക്ക് കൂടുതൽ വിപണന സാധ്യതകൾ ഒരുക്കുന്നതിനും ഉപഭോക്താക്കളുമായി നേരിട്ട് ബന്ധപ്പെടുന്നതിനുമുള്ള മികച്ച വേദിയാണ് ഈ സംരംഭം ഒരുക്കുന്നത്. പ്രാദേശികമായി ഉൽപ്പാദിപ്പിക്കുന്ന ഉൽപ്പന്നങ്ങൾക്ക് മുൻഗണന നൽകാനും 'ഖത്തരി ഉൽപ്പന്നങ്ങൾ – നമ്മുടെ പ്രഥമ തിരഞ്ഞെടുപ്പ്' എന്ന സന്ദേശം ജനങ്ങളിലേക്ക് എത്തിക്കാനുമാണ് റവാബി ഇതിലൂടെ ലക്ഷ്യമിടുന്നത്.
ചടങ്ങിനോടനുബന്ധിച്ച് അൽ റവാബി ഗ്രൂപ്പ് ഓഫ് കമ്പനീസിന്റെ മാനേജിംഗ് ഡയറക്ടർ ശ്രീ. മുഹമ്മദ് അബ്ദുല്ല പറഞ്ഞു:
“ഖത്തരി ഉൽപ്പന്നങ്ങളെ പിന്തുണയ്ക്കുന്നത് ഒരു ബിസിനസ് പ്രതിബദ്ധത മാത്രമല്ല, മറിച്ച് നമ്മുടെ രാജ്യത്തോടുള്ള ഉത്തരവാദിത്തം കൂടിയാണെന്ന് റാവാബി ഉറച്ചുവിശ്വസിക്കുന്നു. പ്രാദേശികമായി നിർമ്മിക്കുന്ന ഉൽപ്പന്നങ്ങൾ ഉപഭോക്താക്കൾക്ക് കൂടുതൽ എളുപ്പത്തിൽ ലഭ്യമാക്കുന്നതിലൂടെ ദേശീയ ഉൽപ്പന്നങ്ങളെ അവരുടെ പ്രഥമ തിരഞ്ഞെടുപ്പായി സ്വീകരിക്കുന്ന ഒരു സംസ്കാരം വളർത്തിയെടുക്കുകയാണ് ഞങ്ങളുടെ ലക്ഷ്യം.

ദേശീയ ഉൽപ്പന്ന വാരാഘോഷം പോലുള്ള സംരംഭങ്ങൾ പ്രാദേശിക ഉൽപ്പാദകർക്ക് വിലപ്പെട്ട അവസരങ്ങൾ സൃഷ്ടിക്കുകയും ദേശീയ സമ്പദ്‌വ്യവസ്ഥയെ ശക്തിപ്പെടുത്തുകയും ഖത്തറിന്റെ ഭക്ഷ്യസുരക്ഷയ്ക്കും സ്വയംപര്യാപ്തതയ്ക്കും സംഭാവന നൽകുകയും ചെയ്യുന്നു. ഖത്തറിന്റെ ദേശീയ ഉൽപ്പന്നങ്ങളുടെ തുടർച്ചയായ വളർച്ചയ്ക്കായി വാണിജ്യ വ്യവസായ മന്ത്രാലയത്തോടും പ്രാദേശിക ഉൽപ്പാദന പങ്കാളികളോടും ഒപ്പം പ്രവർത്തിക്കുന്നതിൽ ഞങ്ങൾക്ക് അഭിമാനമുണ്ട്.”
ബലദ്ന, ലണ്ടൻ ബേക്കറി, അൽ മഹ (ദോഹ ഫുഡ് സ്റ്റഫ്), അൽ ഇത്തിഹാദ് (ദോഹ വാട്ടർ), അൽ വജ്ബ, റയ്യാൻ വാട്ടർ, ഖത്തർ ഒയാസിസ് വാട്ടർ (അൽ അറേബ്യ ട്രേഡിംഗ്), ഖസാൻ ഖത്തർ, അൽ വഹ (അറബ് ഖത്തരി), അഗ്രിക്കോ തുടങ്ങിയ പ്രമുഖ ഖത്തരി ബ്രാൻഡുകൾ ദേശീയ ഉൽപ്പന്ന വാരാഘോഷത്തിന്റെ ഭാഗമായി തങ്ങളുടെ ഉൽപ്പന്നങ്ങൾ അവതരിപ്പിക്കുന്നുണ്ട്. ഖത്തറിൽ നിർമ്മിക്കുകയും ഉൽപ്പാദിപ്പിക്കുകയും ചെയ്യുന്ന ഉൽപ്പന്നങ്ങളുടെ വൈവിധ്യവും ഗുണനിലവാരവും ഇതിലൂടെ എടുത്തുകാണിക്കുന്നു.
ഇതിനുപുറമെ, അൽ റവാബി ഗ്രൂപ്പിന്റെ സ്വന്തം ബ്രാൻഡുകളിൽ ഖത്തറിൽ തന്നെ നിർമ്മിക്കുന്ന ഉൽപ്പന്നങ്ങളായ സഹ്റത്ത് വാട്ടർ & ടിഷ്യു, മായ് ഖത്തർ, റാവാബി ടിഷ്യു, ഇംഗ്ലീഷ് ഗാർഡൻ, കൂൾ ടിഷ്യു, ഫൈവ് സ്റ്റാർ ടിഷ്യു, ആർ-പാക്ക്, ക്യു-ഷൈൻ, അൽ ബയ്ദ ഫ്രഷ് ചിക്കൻ, അൽ നഖ ഫ്രഷ് ചിക്കൻ എന്നിവയും ഈ സംരംഭത്തിലൂടെ ഉപഭോക്താക്കൾക്ക് പരിചയപ്പെടുത്തുന്നു.
ഖത്തരി ഉൽപ്പന്നങ്ങൾക്കും പ്രാദേശിക ഉൽപ്പാദകർക്കും മികച്ച വിപണന വേദി ഒരുക്കുന്നതിൽ റവാബി ഹൈപ്പർമാർക്കറ്റ് നടത്തുന്ന സഹകരണത്തെയും തുടർച്ചയായ പ്രവർത്തനങ്ങളെയും വാണിജ്യ വ്യവസായ മന്ത്രാലയ പ്രതിനിധികൾ ചടങ്ങിൽ അഭിനന്ദിച്ചു. ദേശീയ ഉൽപ്പന്നങ്ങളെ പിന്തുണയ്ക്കാൻ ഉപഭോക്താക്കളെ പ്രോത്സാഹിപ്പിക്കുന്നതിനും പ്രാദേശിക സംരംഭങ്ങളെ ശക്തിപ്പെടുത്തുന്നതിനും ഖത്തറിന്റെ ഭക്ഷ്യ പൈതൃകം പ്രോത്സാഹിപ്പിക്കുന്നതിനും ഇത്തരം സംരംഭങ്ങൾക്കുള്ള പ്രാധാന്യവും മന്ത്രാലയ പ്രതിനിധികൾ എടുത്തുപറഞ്ഞു.
ദേശീയ ഉൽപ്പന്ന വാരാഘോഷത്തിലൂടെ പ്രാദേശിക ഉൽപ്പാദകരുടെ ശക്തമായ റീട്ടെയിൽ പങ്കാളി എന്ന നിലയിലുള്ള തങ്ങളുടെ സ്ഥാനം കൂടുതൽ ഉറപ്പിക്കുകയാണ് റവാബി ഹൈപ്പർമാർക്കറ്റ്. ഖത്തരി ഉൽപ്പന്നങ്ങളെക്കുറിച്ചുള്ള അവബോധം വർധിപ്പിക്കുകയും പ്രാദേശികമായി നിർമ്മിക്കുന്ന ഉൽപ്പന്നങ്ങളെ ഉപഭോക്താക്കളുടെ ദൈനംദിന ഷോപ്പിംഗിന്റെ ഭാഗമാക്കാൻ പ്രോത്സാഹിപ്പിക്കുകയും ചെയ്യുന്നതിലൂടെ ഖത്തറിന്റെ ദേശീയ ഉൽപ്പന്നങ്ങളുടെ വളർച്ചയ്ക്ക് റവാബി തുടർന്നും പിന്തുണ നൽകുന്നു.