തിരുവനന്തപുരം: പ്രമുഖ കോൺഗ്രസ് നേതാവും മുൻ പ്രതിപക്ഷ നേതാവുമായ രമേശ് ചെന്നിത്തല രചിച്ച ‘നിയോഗം’ എന്ന പുസ്തകം പ്രകാശനം ചെയ്യുന്നു. മനോരമ ബുക്സ് പ്രസിദ്ധീകരിക്കുന്ന പുസ്തകത്തിന്റെ പ്രകാശന ചടങ്ങ് മാർച്ച് 9, തിങ്കളാഴ്ച രാവിലെ 11 മണിക്ക് തിരുവനന്തപുരം ഹോട്ടൽ ഡിമോറയിൽ വെച്ച് നടക്കും.
മലയാള സാഹിത്യത്തിലെയും സാംസ്കാരിക രംഗത്തെയും പ്രമുഖർ ചടങ്ങിൽ അണിനിരക്കും. പ്രശസ്ത എഴുത്തുകാരൻ ടി. പത്മനാഭൻ പുസ്തകപ്രകാശനം നിർവഹിക്കും. ചലച്ചിത്ര സംവിധായകൻ ബ്ലെസി പുസ്തകം ഏറ്റുവാങ്ങും.
ചടങ്ങിന്റെ വിശദാംശങ്ങൾ:
സ്വാഗതം: തോമസ് ഡൊമിനിക് (എഡിറ്റർ ഇൻചാർജ്, മനോരമ ബുക്സ്)
അധ്യക്ഷൻ: ജോർജ് ഓണക്കൂർ
പുസ്തകപരിചയം: ഡോ. പി.കെ. രാജശേഖരൻ
മറുപടി പ്രസംഗം: രമേശ് ചെന്നിത്തല
രാഷ്ട്രീയ-സാമൂഹിക മണ്ഡലങ്ങളിലെ ശ്രദ്ധേയമായ സാന്നിധ്യങ്ങൾ പങ്കെടുക്കുന്ന ഈ ചടങ്ങ് തലസ്ഥാനത്തെ സാംസ്കാരിക ലോകത്തിന് ഒരു വലിയ ഒത്തുചേരലാകും.
