ദോഹ: ഈ വർഷത്തെ വിശുദ്ധ റമദാൻ മാസം (ഹിജ്റ വർഷം 1447) ഫെബ്രുവരി 18 ബുധനാഴ്ച ആരംഭിക്കാൻ സാധ്യതയുള്ളതായി ഖത്തർ കലണ്ടർ ഹൗസ് അറിയിച്ചു. ജ്യോതിശാസ്ത്ര കണക്കുകൂട്ടലുകൾ അടിസ്ഥാനമാക്കിയാണ് കലണ്ടർ ഹൗസ് ഇക്കാര്യം വ്യക്തമാക്കിയത്.
റമദാൻ മാസപ്പിറവി സംബന്ധിച്ച ഔദ്യോഗിക പ്രഖ്യാപനം ഖത്തർ ഔഖാഫ് ഇസ്‌ലാമിക കാര്യ മന്ത്രാലയത്തിന് കീഴിലുള്ള മാസപ്പിറവി നിരീക്ഷണ സമിതിയുടെ (Crescent Sighting Committee) തീരുമാനത്തിന് വിധേയമായിരിക്കുമെന്ന് അധികൃതർ അറിയിച്ചു.
മാസപ്പിറവി ഫെബ്രുവരി 17 ചൊവ്വാഴ്ച (നിരീക്ഷണ ദിവസം) ദോഹ സമയം ഉച്ചയ്ക്ക് 3:02-ന്.
സൂര്യാസ്തമയം നിരീക്ഷണ ദിവസം ദോഹ ആകാശത്ത് സൂർയാസ്തമയത്തിന് ഒരു മിനിറ്റ് ശേഷമായിരിക്കും ചന്ദ്രൻ അസ്തമിക്കുന്നത്. പടിഞ്ഞാറൻ ദിശയിലേക്ക് നീങ്ങുന്തോറും ഈ സമയദൈർഘ്യം വർദ്ധിക്കുമെന്ന്
ഖത്തർ കലണ്ടർ ഹൗസ് എക്സിക്യൂട്ടീവ് ഡയറക്ടർ എൻജിനീയർ ഫൈസൽ അൽ അൻസാരി അറിയിച്ചു.
