ആദ്യം ബാറ്റ് ചെയ്ത രാജസ്ഥാന് 151/9 എന്ന സ്കോര്‍ നേടിയപ്പോള്‍ കൊല്‍ക്കത്ത 2 വിക്കറ്റ് നഷ്ടത്തില്‍ 17.3 ഓവറില്‍ വിജയം കുറിയ്ക്കുകയായിരുന്നു.ക്വിന്റണ്‍ ഡി കോക്ക് പുറത്താകാതെ 97 റണ്‍സ് നേടിയാണ് കൊല്‍ക്കത്തയുടെ വിജയം സാധ്യമാക്കിയത്.
മോയിന്‍ അലി റണ്‍സ് കണ്ടെത്തുവാന്‍ പാടുപെട്ടപ്പോള്‍ മറുവശത്ത് ക്വിന്റണ്‍ ഡി കോക്ക് റണ്‍സ് യഥേഷ്ടം കണ്ടെത്തി. പവര്‍പ്ലേ അവസാനിക്കുമ്ബോള്‍ 40 റണ്‍സാണ് നേടിയത്. പവര്‍പ്ലേയ്ക്ക് ശേഷമുള്ള ആദ്യ പന്തില്‍ മോയിന്‍ അലി റണ്ണൗട്ട് ആകുകയായിരുന്നു. 12 പന്തില്‍ 5 റണ്‍സ് മോയിന്‍ അലി നേടിയത്.
ഡി കോക്കും രഹാനെയും കരുതലോടെ ബാറ്റ് വീശിയപ്പോള്‍ 10 ഓവര്‍ അവസാനിക്കുമ്ബോള്‍ കൊല്‍ക്കത്ത 70 റണ്‍സാണ് നേടിയത്. എന്നാല്‍ തൊട്ടടുത്ത ഓവറിലെ ആദ്യ പന്തില്‍ 29 റണ്‍സ് കൂട്ടുകെട്ട് വനിന്‍ഡു ഹസരംഗ തകര്‍ത്തു. 18 റണ്‍സ് നേടിയ രഹാനെയുടെ വിക്കറ്റാണ് ഹസരംഗ നേടിയത്.
ക്വിന്റണ്‍ ഡി കോക്കും അംഗ്കൃഷ് രഘുവംശിയും ചേര്‍ന്ന് അതിവേഗത്തില്‍ സ്കോറിംഗ് നടത്തിയപ്പോള്‍ കൊല്‍ക്കത്ത വിജയത്തോട് അടുക്കുകയായിരുന്നു. 44 പന്തില്‍ 83 റണ്‍സാണ് ഈ കൂട്ടുകെട്ട് നേടിയത്.
ഡി കോക്ക് 61 പന്തില്‍ നിന്ന് 97 റണ്‍സ് നേടിയപ്പോള്‍ അംഗ്കൃഷ് രഘുവംശി 17 പന്തില്‍ നിന്ന് പുറത്താകാതെ 22 റണ്‍സ് നേടി.
Photo Courtesy - Google
