ദോഹ: ഖത്തറിലെ അന്തരീക്ഷത്തിലും സമുദ്രജലത്തിലുമുള്ള റേഡിയേഷൻ (വികിരണം) അളവ് പൂർണ്ണമായും സ്വാഭാവികവും സുരക്ഷിതവുമായ പരിധിയിലാണെന്ന് പരിസ്ഥിതി, കാലാവസ്ഥാ വ്യതിയാന മന്ത്രാലയം (MECC) വ്യക്തമാക്കി. നിലവിലെ കണക്കുകൾ പ്രകാരം ആശങ്കപ്പെടേണ്ട സാഹചര്യമില്ലെന്നും മന്ത്രാലയം
പുറത്തിറക്കിയ വാർത്താക്കുറിപ്പിൽ അറിയിച്ചു.രാജ്യത്തെ റേഡിയേഷൻ നിരീക്ഷണ സംവിധാനങ്ങൾ 24 മണിക്കൂറും പ്രവർത്തിക്കുന്നുണ്ട്. പ്രാദേശികമായുണ്ടാകുന്ന മാറ്റങ്ങൾ മന്ത്രാലയം സൂക്ഷ്മമായി നിരീക്ഷിച്ചുവരികയാണ്.
ഏത് സാഹചര്യത്തെയും നേരിടാൻ മന്ത്രാലയം സജ്ജമാണെന്നും മറ്റ് സർക്കാർ ഏജൻസികളുമായി ചേർന്ന് ഏകോപിത പ്രവർത്തനങ്ങൾ നടത്തുന്നുണ്ടെന്നും അധികൃതർ അറിയിച്ചു.റേഡിയേഷൻ സംബന്ധിച്ച വാർത്തകൾക്കായി മന്ത്രാലയത്തിന്റെ ഔദ്യോഗിക പേജുകളെയും ഖത്തർ ന്യൂസ് ഏജൻസിയെയും (QNA) മാത്രം ആശ്രയിക്കണമെന്ന് പൊതുജനങ്ങളോട് അഭ്യർത്ഥിച്ചു.
