ടെഹ്‌റാൻ: ഇറാന്റെ പരമോന്നത നേതാവ് ആയത്തുള്ള അലി ഖമേനിയുടെ വിലാപയാത്രയിലും ആദരാഞ്ജലി അർപ്പിക്കുന്ന ചടങ്ങുകളിലും ഖത്തർ ശൂറ കൗൺസിൽ സ്പീക്കർ ഹസ്സൻ ബിൻ അബ്ദുള്ള അൽ ഗാനിം പങ്കെടുത്തു. വെള്ളിയാഴ്ച ടെഹ്‌റാനിൽ നടന്ന ഔദ്യോഗിക ചടങ്ങിൽ അദ്ദേഹം ഖമേനിയുടെ ഭൗതികശരീരത്തിൽ ഖത്തറിനെ പ്രതിനിധീകരിച്ച് ആദരവർപ്പിച്ചു.
നൂറിലധികം രാജ്യങ്ങളിൽ നിന്നുള്ള പ്രതിനിധികളാണ് ചടങ്ങിൽ പങ്കെടുക്കാൻ ഇറാൻ തലസ്ഥാനമായ ടെഹ്‌റാനിൽ എത്തിയിരിക്കുന്നത്. ആധുനിക ചരിത്രത്തിലെ തന്നെ ഏറ്റവും വലിയ ഔദ്യോഗിക വിലാപച്ചടങ്ങുകളിൽ ഒന്നായാണ് ഇത് വിലയിരുത്തപ്പെടുന്നത്.
ഇറാൻ അധികൃതർ വ്യക്തമാക്കിയതനുസരിച്ച് ജൂലൈ 3 മുതൽ ജൂലൈ 9 വരെ നീണ്ടുനിൽക്കുന്ന വിപുലമായ വിലാപച്ചടങ്ങുകളാണ് ആസൂത്രണം ചെയ്തിരിക്കുന്നത്. ടെഹ്‌റാനിലെ ചടങ്ങുകൾക്ക് ശേഷം ഇറാനിലെയും ഇറാഖിലെയും വിവിധ നഗരങ്ങളിലൂടെ വിലാപയാത്ര കടന്നുപോകും. തുടർന്ന് ഇറാന്റെ പവിത്ര നഗരമായ മഷ്‌ഹദിലാകും (Mashhad) അന്തിമ സംസ്‌കാര ചടങ്ങുകൾ നടക്കുക.
