പാരീസ്/ദോഹ: ഖത്തറിന്റെ കുതിരകൾ അന്താരാഷ്ട്ര റേസിംഗ് വേദിയിൽ വീണ്ടും മികവ് തെളിയിച്ചു. ഖത്തർ ഉടമസ്ഥതയിലുള്ള അജേയ കുതിര ലാഫാൻ (Laffan) അത്ഭുതകരമായ സമാപനത്തോടെ റോമിയോഎ.ടി.കുതിരയെ മൂക്ക് നീളത്തിൽ മറികടന്ന് ത്രസിപ്പിക്കുന്ന ഫോട്ടോ ഫിനിഷ് വിജയം സ്വന്തമാക്കി.
മത്സരത്തിന്റെ അവസാന 200 മീറ്ററിൽ പിന്നിൽ നിന്നുതുടങ്ങിയ ലാഫാൻ, തന്റെ ശക്തിയും സ്ഥിരതയും തെളിയിച്ച് മുന്നേറുകയായിരുന്നു. അവസാന നൂറ് മീറ്ററിൽ റോമിയോ എ.ടി. വേഗം കൂട്ടിയതോടെ ലീഡ് അർദ്ധനീളമായി ചുരുങ്ങിയെങ്കിലും, ലാഫാൻ അവന്റെ മികവും ധൈര്യവും പ്രകടിപ്പിച്ച് വിജയരേഖ തൊട്ടു. മൂന്നാം സ്ഥാനത്ത് സബാഅൻ അൽ ഷഹാനിയ (A Mere Bagatelle) വ്യക്തമായ അകലം വിട്ട് ഫിനിഷ് ചെയ്തു.
അതേ ദിവസം നടന്ന മറ്റൊരു പ്രധാന മത്സരമായ ഗ്രൂപ്പ് 1 (PA) ഖത്തർ അറേബ്യൻ ട്രോഫി ഡെസ് പൂലിഷസ് (Qatar Arabian Trophy des Pouliches) 2000 മീറ്റർ റേസിൽ, ഖത്തർ ഉടമസ്ഥതയിലുള്ള സുബഹിയ (Mahabb x Majida) അതുല്യമായ പ്രകടനത്തോടെ തന്റെ എതിരാളികളെ പൂർണമായും കീഴടക്കി.
മൂന്ന് വയസ്സുള്ള പ്യൂർബ്രെഡ് അറേബ്യൻ പെൺകുതിരകൾക്കായി നടന്ന ഈ മത്സരത്തിൽ സുബഹിയയുടെ പ്രകടനം ശ്രദ്ധേയമായിരുന്നു. തുടക്കത്തിൽ മുൻനിരയിൽ ഉണ്ടായിരുന്ന എതിരാളികളെ അവൾ അസാമാന്യ വേഗതയോടെ മറികടന്ന്, അവസാന ഘട്ടത്തിൽ ഉറച്ച വിജയം സ്വന്തമാക്കി.
ഈ ഇരട്ട വിജയത്തോടൊപ്പം ഖത്തറിന്റെ കുതിരകളുടെ അന്താരാഷ്ട്ര പദവി കൂടുതൽ ഉറപ്പിച്ചു. ഫ്രാൻസ്, ബ്രിട്ടൻ തുടങ്ങിയ വേദികളിൽ ഖത്തർഉടമസ്ഥതയിലുള്ള കുതിരകൾ തുടർച്ചയായി മികവ്കാട്ടിക്കൊണ്ടിരിക്കുകയാണ്.
