ദോഹ: ഖത്തർ സായുധ സേനയുടെ പ്രവർത്തന സജ്ജീകരണങ്ങളും തയ്യാറെടുപ്പുകളും വിലയിരുത്തുന്നതിനായി അമീർ ശൈഖ് തമീം ബിൻ ഹമദ് അൽഥാനി ബുധനാഴ്ച എയർ ഓപ്പറേഷൻസ് സെന്റർ സന്ദർശിച്ചു. രാജ്യത്തിന്റെ സുരക്ഷാ സാഹചര്യങ്ങളും സൈനിക യൂണിറ്റുകളുടെ പ്രവർത്തനക്ഷമതയും അദ്ദേഹം നേരിട്ട് വിലയിരുത്തി.വിവിധ സൈനിക യൂണിറ്റുകളുടെ ഉയർന്ന സജ്ജീകരണത്തെക്കുറിച്ചും നിലവിൽ നടന്നുകൊണ്ടിരിക്കുന്ന ഓപ്പറേഷനുകളുടെ പുരോഗതിയെക്കുറിച്ചും അമീർ വിശദമായ റിപ്പോർട്ട് തേടി.രാജ്യത്തെ തന്ത്രപ്രധാനമായ ഇൻസ്റ്റാളേഷനുകളുടെ സുരക്ഷ വർദ്ധിപ്പിക്കുന്നതിനും ഖത്തറിന്റെ വ്യോമപാതയും സമുദ്രാതിർത്തിയും സംരക്ഷിക്കുന്നതിനും നിലവിലുള്ള നടപടിക്രമങ്ങൾ അദ്ദേഹം പരിശോധിച്ചു.
രാജ്യത്തിന്റെ സുരക്ഷയും സ്ഥിരതയും നിലനിർത്തുന്നതിൽ സായുധ സേനാംഗങ്ങൾ പുലർത്തുന്ന മികവിനെയും കഴിവിനെയും അമീർ പ്രശംസിച്ചു.പൗരന്മാരുടെയും താമസക്കാരുടെയും സുരക്ഷ ഉറപ്പാക്കുന്നതിനായി സേനയുടെ തയ്യാറെടുപ്പുകളും ഏകോപനവും കൂടുതൽ ശക്തമാക്കേണ്ടതിന്റെ പ്രാധാന്യം അമീർ ഊന്നിപ്പറഞ്ഞു.
