ദോഹ: ഖത്തർ യൂണിവേഴ്‌സിറ്റി (QU)യിലെ സ്റ്റുഡന്റ് കൗൺസലിങ് സെന്റർ (SCC) ലോക മാനസികാരോഗ്യ ദിനം 2025 ആഘോഷിച്ചു. “Mental Health Services in Disasters and Emergencies” എന്നതാണ് ഈ വർഷത്തെ ആവിഷ്കാര വിഷയം. പ്രതിസന്ധികളിലും അടിയന്തര സാഹചര്യങ്ങളിലും മാനസികാരോഗ്യ സേവനങ്ങൾ ഉറപ്പാക്കേണ്ടതിന്റെ പ്രാധാന്യമാണ് പരിപാടി മുന്നോട്ടുവച്ചത്.
പരിപാടിയിൽ QU അസിസ്റ്റന്റ് വൈസ് പ്രസിഡണ്ട് (സ്റ്റുഡന്റ് ലൈഫ് ആൻഡ് സർവീസസ്) ഡോ. മുഹമ്മദ് ഷാഹീൻ അൽ കുവാരി, അസിസ്റ്റന്റ് പ്രൊഫസർ (എജ്യുക്കേഷണൽ സയൻസസ്) ഷൈഖ ഡോ. ഹെസ്സ ബിൻത് ഹമദ് അൽ താനി, SCC ഡയറക്ടർ ഡോ. മുഹമ്മദ് സിദ്ദിഖ് മഗ്സൂബ് എന്നിവർ പങ്കെടുത്തു. വിവിധ ദേശീയ ആരോഗ്യ, സാമൂഹിക സംഘടനകളുടെയും മാനസികാരോഗ്യ കേന്ദ്രങ്ങളുടെയും പ്രതിനിധികൾ പരിപാടിയിൽ  പങ്കാളിത്തം വഹിച്ചു.
 സാമൂഹ്യ വികസന–കുടുംബ മന്ത്രാലയം, പൊതുജനാരോഗ്യ മന്ത്രാലയം, പ്രൈമറി ഹെൽത്ത് കെയർ കോർപ്പറേഷൻ, വിഫാഖ് ഫാമിലി കൺസൾട്ടിങ് സെന്റർ, നൗഫർ, കമ്യൂണിറ്റി പൊലീസ് വകുപ്പ്, അമാൻ സെന്റർ, ബിഹേവിയറൽ ഹെൽത്ത് കെയർ സെന്റർ, അൽ നൂർ സെന്റർ ഫോർ ദി ബ്ലൈൻഡ്, ഷഫല്ലാഹ് സെന്റർ ഫോർ പേഴ്സൺസ് വിത്ത് ഡിസബിലിറ്റീസ് എന്നിവയിലെ ജീവനക്കാരും ഉദ്യോഗ സ്ഥരും സാന്നിധ്യം വഹിച്ചു.
ഖത്തർ യൂണിവേഴ്‌സിറ്റി സ്പോർട്സ് അഫയേഴ്സ് ഡിപ്പാർട്ട്മെന്റ്, QU ഹെൽത്ത് സെക്ടർ, സ്റ്റുഡന്റ് സൈക്കോളജിക്കൽ ഹെൽത്ത് ക്ലബ്, ഇൻക്ലൂഷൻ ആൻഡ് സ്പെഷ്യൽ നീഡ്സ് സെന്റർ, ആർട്സ് ആൻഡ് സയൻസസ് കോളേജ്, അലുമ്നി അസോസിയേഷന്റെ സൈക്കോളജി വിഭാഗം എന്നിവയും പരിപാടിയിൽ പങ്കെടുത്തു.
അവബോധ സ്റ്റാളുകൾ, കൗൺസലിങ് സെഷനുകൾ, ഇന്ററാക്ടീവ് ആക്ടിവിറ്റികൾ, വിവരപ്രദമായ പ്രദർശനങ്ങൾ എന്നിവയിലൂടെ മാനസികാരോഗ്യത്തിന്റെ പ്രാധാന്യവും പ്രതിസന്ധിക്കാലങ്ങളിലെ പിന്തുണാ സേവനങ്ങളിലെ ആക്‌സസും സംബന്ധിച്ച് ബോധവൽക്കരണം നടത്തി.
പരിപാടിയിൽ നടത്തിയ പാനൽ ചർച്ചകളിൽ വിദഗ്ധർ മാനസിക പ്രതിരോധ ശേഷി (Psychological Resilience) വികസിപ്പിക്കുന്നതിലെ തന്ത്രങ്ങൾ അവതരിപ്പിച്ചു. “പ്രതിസന്ധികളിലും അടിയന്തര സാഹചര്യങ്ങളിലും മനസികാരോഗ്യത്തിന് മുൻഗണന നൽകേണ്ടതിന്റെ പ്രാധാന്യത്തെ സമൂഹം തിരിച്ചറിയേണ്ട സമയമാണിത്,” എന്ന് ഡോ. മഗ്സൂബ് പറഞ്ഞു.
വിദ്യാഭ്യാസ, ആരോഗ്യ, സാമൂഹിക സ്ഥാപനങ്ങൾ തമ്മിലുള്ള സഹകരണം ശക്തിപ്പെടുത്തി മാനസികാരോഗ്യ ബോധവൽക്കരണം വ്യാപിപ്പിക്കണമെന്ന് പങ്കെടുത്ത സംഘടനകൾ ആവശ്യപ്പെട്ടു. സമൂഹത്തിലെ എല്ലാ വിഭാഗങ്ങൾക്കും മനസികാരോഗ്യ സേവനങ്ങൾ ലഭ്യമാക്കുക എന്നതാണ് ലക്ഷ്യമെന്നും അവർ കൂട്ടിച്ചേർത്തു.
ലോക മാനസികാരോഗ്യ ദിനാഘോഷം, മനസികാരോഗ്യത്തെക്കുറിച്ചുള്ള സാമൂഹിക മുൻവിധികൾ ഇല്ലാതാക്കാനും, സഹായം തേടാനുള്ള ധൈര്യം പ്രോത്സാഹിപ്പിക്കാനും ഒരു വേദിയായി പ്രവർത്തിക്കുകയാണ്. ഖത്തർ യൂണിവേഴ്‌സിറ്റിയുടെ വിദ്യാഭ്യാസവും ബോധവൽക്കരണവുമിലൂടെ ഉൾക്കൊള്ളുന്ന, പിന്തുണ നൽകുന്ന അക്കാദമിക് അന്തരീക്ഷം സൃഷ്ടിക്കുന്നതിലുള്ള പ്രതിബദ്ധതയെയും ഈ പരിപാടി പ്രതിഫലിപ്പിക്കുന്നു.