ദോഹ: ഖത്തർ സർവകലാശാലയുടെ (QU) ബോർഡ് ഓഫ് ട്രസ്റ്റീസ് പുനഃസംഘടിപ്പിച്ചുകൊണ്ട് ഖത്തർ അമീർ ഷെയ്ഖ് തമീം ബിൻ ഹമദ് അൽഥാനി 2026-ലെ പത്താം നമ്പർ അമിരി ഉത്തരവ് പുറപ്പെടുവിച്ചു. പുതിയ ഭരണസമിതിയുടെ ചെയർമാനായി ഡെപ്യൂട്ടി അമീർ ഷെയ്ഖ് അബ്ദുള്ള ബിൻ ഹമദ് അൽഥാനിയെ നിയമിച്ചു. ഷെയ്ഖ് ഡോ. അബ്ദുള്ള ബിൻ അലി ബിൻ സൗദ് അൽഥാനിയാണ് വൈസ് ചെയർമാൻ.
രാജ്യത്തെ വിവിധ മേഖലകളിൽ നിന്നുള്ള പ്രമുഖ വ്യക്തിത്വങ്ങളെ ഉൾപ്പെടുത്തിയാണ് പുതിയ സമിതി രൂപീകരിച്ചിരിക്കുന്നത്. വിദ്യാഭ്യാസ-ഗവേഷണ രംഗങ്ങളിൽ അന്താരാഷ്ട്ര നിലവാരം പുലർത്തുന്നതിനും സർവകലാശാലയുടെ ഭരണപരമായ മികവ് ഉറപ്പാക്കുന്നതിനും ലക്ഷ്യമിട്ടാണ് ഈ പുനഃസംഘടന.ഷെയ്ഖ് അബ്ദുള്ള ബിൻ ഹമദ് അൽഥാനി (ചെയർമാൻ)
ഷെയ്ഖ് ഡോ. അബ്ദുള്ള ബിൻ അലി ബിൻ സൗദ് അൽഥാനി (വൈസ് ചെയർമാൻ)
അലി ബിൻ അഹമ്മദ് അൽ കുവാരി
മുഹമ്മദ് ബിൻ അലി അൽ മന്നായി
ലുൽവ ബിൻത് റാഷിദ് അൽ ഖാതർ
ഡോ. അബ്ദുൽ അസീസ് ബിൻ നാസർ അൽ ഖലീഫ
ഷെയ്ഖ് മുഹമ്മദ് ബിൻ ഹമദ് ബിൻ ഖാസിം അൽഥാനl
ഡോ. ഹനാൻ ബിൻത് മുഹമ്മദ് അൽ കുവാരി
ഡോ. സാലിഹ് ബിൻ മുഹമ്മദ് അൽ നബിത്
ഡോ. ഹിസ്സ ബിൻത് സുൽത്താൻ അൽ ജാബർ
മുഹമ്മദ് ബിൻ ഖലീഫ അൽ സുവൈദി
ഷെയ്ഖ് അബ്ദുള്ള ബിൻ അഹമ്മദ് ബിൻ അബ്ദുള്ള അൽഥാനി
നാസർ ഖലീൽ അൽ ജൈദ
പ്രൊഫസർ ഡോ. ഹിസ്സ മുഹമ്മദ് സാദിഖ്
വിദഗ്ധരായ വ്യക്തികളെയും അക്കാദമിക് രംഗത്തെ പ്രമുഖരെയും സമിതിയിലേക്ക് ആവശ്യാനുസരണം ഉൾപ്പെടുത്താൻ ചെയർമാന് അധികാരമുണ്ടായിരിക്കും. ഉത്തരവ് പുറത്തിറങ്ങിയ തീയതി മുതൽ ഇത് പ്രാബല്യത്തിൽ വരുമെന്നും ഔദ്യോഗിക ഗസറ്റിൽ പ്രസിദ്ധീകരിക്കുമെന്നും വിജ്ഞാപനത്തിൽ പറയുന്നു.
