ദോഹ:പുരാതന കായിക വിനോദങ്ങളെ പുനരുജ്ജീവിപ്പിക്കുന്നതിനായി ഖത്തർ തമിഴ് പരമ്പരാഗത കായിക സംഘടനയ്ക്ക് തുടക്കം കുറിച്ചു.ഖത്തറിലെ യുവതലമുറയിൽ തമിഴ് പരമ്പരാഗത കായിക വിനോദങ്ങളെ പുനരുജ്ജീവിപ്പിക്കാനും പ്രോത്സാഹിപ്പിക്കാനും പുതുതായി സ്ഥാപിതമായ ഖത്തർ തമിഴർ പരമ്പരാഗത കായിക വിനോദങ്ങൾ (ക്യുടിടിഎസ്) സംഘടന ലക്ഷ്യമിടുന്നു. ഇന്ത്യൻ എംബസിക്ക് കീഴിലുള്ള ഇന്ത്യൻ സ്‌പോർട്‌സ് സെന്ററുമായി സഹകരിച്ച്പ്രവർത്തിക്കുന്ന സംഘടനയുടെ ഉദ്ഘാടനം അൽ അഷ്ബാൽ ഇന്റർനാഷണൽ സ്‌കൂളിൽ നടന്നു.പല്ലങ്കുഴി, കബഡി, ഖോ ഖോ, ഉറിയടി, സിലംബം തുടങ്ങിയ പരമ്പരാഗത കായിക മത്സരങ്ങൾനടന്നു.
വിവിധ ഇന്ത്യൻ സംഘടനകളിൽ നിന്നുള്ള വിശിഷ്ടാതിഥികൾ പങ്കെടുത്തു. പഴനികുമാർ ഗുരുസാമി (പ്രസിഡന്റ്), പ്രേം കലാ ശരവണൻ (വൈസ് പ്രസിഡന്റ്), സിലംബം ശരവണൻ (ജനറൽ സെക്രട്ടറി), മുഹമ്മദ് കമറുദ്ദീൻ (ജോയിന്റ് സെക്രട്ടറി), നിർമ്മൽ ചന്ദ്രബോസ് (ട്രഷറർ), ശ്രീനിവാസൻ (പരമ്പരാഗത കായിക വിഭാഗം മേധാവി), വസന്ത് (പരമ്പരാഗത കായിക വിഭാഗം സെക്രട്ടറി), വെങ്ങട്ട് പ്രഭു (കല & സംസ്കാര വിഭാഗം മേധാവി), ദക്ഷിണാമൂർത്തി (കല & സാംസ്കാരിക വിഭാഗം സെക്രട്ടറി), മണിമല ഇളമുരുകൻ (ഐടി & മീഡിയ സെക്രട്ടറി), ദുരൈ (സ്പോൺസർഷിപ്പ് സെക്രട്ടറി) എന്നിവരാണ് ഭാരവാഹികൾ
ഏപ്രിൽ 25 ന് ഖത്തറിൽ അന്താരാഷ്ട്ര സിലംബം ചാമ്പ്യൻഷിപ്പ് നടത്തുന്നതിനുള്ള പദ്ധതികൾ ക്യുടിടിഎസ് നേതൃത്വം പ്രഖ്യാപിച്ചു, കൂടാതെ വലൈപ്പണ്ട് (റിംഗ് ബോൾ), പരമ്പരാഗത തമിഴ് സംഗീതോപകരണങ്ങളായ തവിൽ, നാദസ്വരം എന്നിവയ്ക്കുള്ള പരിശീലന പരിപാടികളും സംഘടിപ്പിച്ചു.
