ദോഹ: ഖത്തർ ചേംബർ വരാനിരിക്കുന്ന 10-ാമത് ഖത്തർസസ്റ്റെയിനബിലിറ്റി വീക്ക് (QSW 2025)-ന്റെ സ്ട്രാറ്റജിക് പാർട്ണർ ആകുമെന്ന് അറിയിച്ചു. ഇന്റർനാഷണൽ ചേംബർ ഓഫ് കോമേഴ്‌സ് ഖത്തർ (ICC ഖത്തർ) സപ്പോർട്ടിങ് പാർട്ണർ ആയും പ്രവർത്തിക്കും.
നവംബർ 1 മുതൽ 8 വരെ നടക്കുന്ന ദേശീയ പരിപാടി ഖത്തർ ഫൗണ്ടേഷന്റെ എർത്ത്‌ന സെന്റർ ഫോർ എ സസ്റ്റെയിനബിൾ ഫ്യൂച്ചർ ആണ് സംഘടിപ്പിക്കുന്നത്. രാജ്യവ്യാപകമായി സുസ്ഥിരതയും പരിസ്ഥിതി ബോധവൽക്കരണവും പ്രോത്സാഹിപ്പിക്കുക എന്നതാണ് ലക്ഷ്യം.
സുസ്ഥിരതയിൽ സ്വകാര്യ മേഖലയുടെയും ബിസിനസുകളുടെയും പങ്ക് നിർണായകമാണ്. കൂടുതൽ ഹരിതവും പ്രതിരോധ ശേഷിയുള്ളതുമായ ഖത്തറിനായി നാം പ്രവർത്തിക്കുമെന്ന്
ഖത്തർ ചേംബർ ചെയർമാനും ICC ഖത്തർ ചെയർമാനുമായ ഷെയ്ഖ് ഖലീഫ ബിൻ ജാസിം ബിൻ മുഹമ്മദ് അൽ താനി പറഞ്ഞു.
സുസ്ഥിരതയുടെ ഭാഗമായ വേസ്റ്റ് റിഡക്ഷൻ പ്രോഗ്രാം ആരംഭിച്ചതോടൊപ്പം, നവംബർ 1-ന് ബീച്ച് ക്ലീൻ-അപ്പ് ഡേയും ചേംബർ സംഘടിപ്പിക്കും.
