02:07am 13 November 2026
NEWS
തടവുകാർക്ക് പൊതുമാപ്പ് പ്രഖ്യാപിച്ച് ഖത്തർ അമീർ
20/02/2026 08:36 PM IST
nila
ദോഹ: പരിശുദ്ധ റമദാൻ മാസത്തിന്റെ വരവറിയിച്ച് രാജ്യത്തെ വിവിധ ജയിലുകളിൽ കഴിയുന്ന തടവുകാർക്ക് ഖത്തർ അമീർ ഷെയ്ഖ് തമീം ബിൻ ഹമദ് അൽ താനി പൊതുമാപ്പ് പ്രഖ്യാപിച്ചു. വ്യാഴാഴ്ചയാണ് ഇത് സംബന്ധിച്ച ഔദ്യോഗിക ഉത്തരവ് അമീരി ദിവാൻ പുറപ്പെടുവിച്ചത്.
എല്ലാ വർഷവും റമദാൻ, ദേശീയ ദിനം തുടങ്ങിയ വിശേഷ അവസരങ്ങളിൽ തടവുകാർക്ക് ശിക്ഷാ ഇളവ് നൽകുന്ന അമീറിന്റെ കാരുണ്യ നടപടിയുടെ (Amiri Gesture) ഭാഗമായാണിത്. ഗുരുതരമല്ലാത്ത കുറ്റകൃത്യങ്ങളിൽ ശിക്ഷിക്കപ്പെട്ടവർക്കും നല്ല നിലയിൽ ജയിൽവാസം പൂർത്തിയാക്കുന്നവർക്കുമാണ് സാധാരണയായി ഇത്തരത്തിൽ മോചനം ലഭിക്കാറുള്ളത്. ശിക്ഷിക്കപ്പെട്ടവർക്ക് സമൂഹത്തിന്റെ മുഖ്യധാരയിലേക്ക് മടങ്ങിവരാനും കുടുംബത്തോടൊപ്പം റമദാൻ നോമ്പ് അനുഷ്ഠിക്കാനും ഈ തീരുമാനം അവസരമൊരുക്കും.
ഇവിടെ പോസ്റ്റുചെയ്യുന്ന അഭിപ്രായങ്ങള്‍ കേരളശബ്‌ദത്തിന്റേതല്ല . അഭിപ്രായങ്ങളുടെ പൂര്‍ണ്ണ ഉത്തരവാദിത്വം രചയിതാവിനായിരിക്കും. കേന്ദ്ര സർക്കാരിന്റെ ഐ.ടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളൂം നടത്തുന്നത് ശിക്ഷാര്‍ഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
GULF
