ബെംഗാസി: ഖത്തർ വിദേശകാര്യ മന്ത്രാലയത്തിലെ സഹമന്ത്രി ഡോ. മുഹമ്മദ് ബിൻ അബ്ദുൽ അസീസ് ബിൻ സ്വാലിഹ് അൽ ഖുലൈഫി, ലിബിയൻ നാഷണൽ ആർമി ഡെപ്യൂട്ടി കമാൻഡർ ലെഫ്റ്റനന്റ് ജനറൽ സദ്ദാം ഖലീഫ ഹഫ്താറുമായി കൂടിക്കാഴ്ച നടത്തി. ലിബിയയിലെ ബെംഗാസിയിൽ വെച്ചായിരുന്നു കൂടിക്കാഴ്ച.മേഖലാതലത്തിലുണ്ടായ പുതിയ സംഭവവികാസങ്ങളും ഇരുരാജ്യങ്ങൾക്കും പൊതുവായ താല്പര്യമുള്ള വിവിധ വിഷയങ്ങളും ചർച്ചയിൽ ഉയർന്നുവന്നു.ലിബിയയുടെ ഐക്യം, പരമാധികാരം, സുസ്ഥിരത എന്നിവയ്ക്ക് ഖത്തറിന്റെ പൂർണ്ണ പിന്തുണയുണ്ടാകുമെന്ന് ഡോ. അൽ ഖുലൈഫി വ്യക്തമാക്കി.ലിബിയൻ ജനതയുടെ ആഗ്രഹങ്ങൾക്കനുസൃതമായ സമാധാനപരമായ രാഷ്ട്രീയ പരിഹാരങ്ങളെ ഖത്തർ പിന്തുണയ്ക്കുന്നു.രാജ്യത്ത് ദീർഘകാല സുസ്ഥിരത കൈവരിക്കുന്നതിന് നിരന്തരമായ സംഭാഷണങ്ങളും ദേശീയ അനുരഞ്ജനവും അത്യാവശ്യമാണെന്ന് അദ്ദേഹം ഊന്നിപ്പറഞ്ഞു.
സമഗ്രവും സുസ്ഥിരവുമായ രാഷ്ട്രീയ പരിഹാരം കണ്ടെത്തുന്നതിനുള്ള അന്താരാഷ്ട്ര ശ്രമങ്ങൾക്ക് പിന്തുണ നൽകുന്നതിനായി ലിബിയയിലെ എല്ലാ വിഭാഗങ്ങളുമായും ഖത്തർ തുടർന്നും സഹകരിച്ച് പ്രവർത്തിക്കുമെന്നും വിദേശകാര്യ സഹമന്ത്രി അറിയിച്ചു.
