ദോഹ: മെഡിക്കൽ ഇമേജിംഗിന്റെ ഭാവി രൂപപ്പെടുത്തുന്നതിന്റെ ഭാഗമായി ഹമദ് മെഡിക്കൽ കോർപ്പറേഷൻ (HMC) ഒക്ടോബറിൽ പ്രഥമ ഖത്തർ റേഡിയോളജി കോൺഗ്രസ് (QRC 2025) സംഘടിപ്പിക്കും.മൂന്ന് ദിവസത്തെ പരിപാടിയിൽ സമ്പന്നവും ആകർഷകവുമായ പഠനാനുഭവം പ്രദാനം ചെയ്യുന്ന സമഗ്രമായ ശാസ്ത്രീയ പരിപാടിയാകും സമ്മേളനം.
അത്യാധുനിക ഡയഗ്നോസ്റ്റിക് ഇമേജിംഗ് രീതികളും ആധുനിക ക്ലിനിക്കൽ പരിചരണത്തിൽ അവയുടെ പങ്കും പര്യവേക്ഷണം ചെയ്യുന്നതിനായി പ്രമുഖ റേഡിയോളജി പ്രൊഫഷണലുകൾ, ക്ലിനിക്കുകൾ, ഗവേഷകർ, വ്യവസായ വിദഗ്ധർ എന്നിവർ ഈ ഉന്നതതല പരിപാടിയിൽ പങ്കാത്തംവഹിക്കും.എച്ച്എംസിയിലെ ക്ലിനിക്കൽ ഇമേജിംഗ് വിഭാഗം ചെയർപേഴ്‌സണും ക്യുആർസി 2025 ന്റെ ചെയർപേഴ്‌സണുമായ ഡോ. അമൽ അൽ ഒബൈദ്‌ലിയും എച്ച്എംസിയിലെ ബോഡി ഇമേജിംഗ് മേധാവിയും ക്യുആർസി 2025 ന്റെ സഹ-ചെയർപേഴ്‌സണുമായ ഡോ. അദം ദർവീഷും എച്ച്എംസി വെബ്‌സൈറ്റിൽ പ്രസിദ്ധീകരിച്ച സംയുക്ത സ്വാഗത സന്ദേശത്തിൽ, അറിവ് വർദ്ധിപ്പിക്കുക, നവീകരണം വളർത്തുക, ആത്യന്തികമായി രോഗികളുടെ ഫലങ്ങൾ മെച്ചപ്പെടുത്തുക എന്നീ കോൺഗ്രസിന്റെ ദൗത്യത്തെക്കുറിച്ച് ഇരുവരും ഊന്നിപ്പറഞ്ഞു.
പുതിയ ആശയങ്ങൾക്ക് പ്രചോദനം നൽകുക, പ്രൊഫഷണൽ നെറ്റ്‌വർക്കുകൾ ശക്തിപ്പെടുത്തുക, ആധുനിക വൈദ്യശാസ്ത്രത്തിൽ ഇമേജിംഗ് വഹിക്കുന്ന അവശ്യ പങ്ക് എടുത്തുകാണിക്കുക എന്നിവയാണ് ഞങ്ങളുടെ ലക്ഷ്യം,” സന്ദേശത്തിൽ പറയുന്നു.
