ദോഹ: യുവ പണ്ഡിതനും പിഡിപി സംസ്ഥാന ജനറൽ സെക്രട്ടറിയുമായ ജാഫർ അലി ദാരിമിയുടെ നിര്യാണത്തിൽ ഖത്തർ പി.സി.എഫ് അനുശോചനം അറിയിച്ചു
അബ്ദുൽ നാസർ മഅദനിയുടെ പ്രതിസന്ധി കാലഘട്ടങ്ങളിലെല്ലാം താങ്ങും തണലുമായി കേരളത്തിൽ അങ്ങോളമിങ്ങോളം ഓടി നടന് മഅദനിക്കെതിരെ നടക്കുന്ന നീതി നിഷേധത്തിനെതിരെ സമൂഹത്തെ ബോധവൽക്കരിക്കുന്നതിൽ ശ്രദ്ധേയമായ പങ്കുവഹിച്ച നേതാവായിരുന്നു അദ്ദേഹം. മഅദനി മോചനം ശ്രമങ്ങളിൽ എന്നും മുൻപന്തിയിൽ ഉണ്ടായിരുന്ന നേതാവ് കൂടിയാണ് അന്തരിച്ചത്
നന്തി ദാറുസ്സലാം അറബി കോളജില്‍ നിന്ന് ബിരുദം നേടിയ ശേഷം നിരവധി പള്ളികൾ ഇമാമായും മദ്രസ അധ്യാപകനായും സേവനമനുഷ്ഠിച്ചിട്ടുണ്ട്
അബ്ദുൾ നാസർ മഅദനിയുടെ നിയമ സഹായ സമിതിയുമായിബന്ധപ്പെട്ടും അല്ലാതെയും ഒന്നിലധികം തവണ ഖത്തർ സന്ദർശിച്ചിട്ടുണ്ട്
സാധാരണ പ്രവർത്തകരുമായും നേതാക്കളുമായി ഒരു പോലെ ആത്മബന്ധം പുലർത്തിയിരുന്ന നേതാവായിരുന്നു ദാരിമി
പാർശ്വവൽക്കരിക്കപ്പെട്ട ജനവിഭാഗത്തിൻ്റെ ഏതുകാര്യത്തിനും മുൻതൂക്കം നൽകി പൂർണ്ണതയിലെത്തിക്കാൻ മുമ്പിലുണ്ടായിരുന്നനേതാവായിരുന്നു. കഴിഞ്ഞ മാസമാണ് അദ്ദേഹത്തിൻറെ വിവാഹം കഴിഞ്ഞിരുന്നത് പിന്നാക്ക ദലിത് മുസ്ലിം രാഷ്ട്രീയത്തിന് അദ്ദേഹത്തിൻറെ വിയോഗം തീരാനഷ്ടമാണെന്ന് ഖത്തർ പി.സി.എഫ് നാഷണൽ കമ്മിറ്റി അനുശോചന കുറിപ്പിൽ അറിയിച്ചു
