​പാരീസ്: പലസ്തീൻ പ്രശ്നത്തിന് രാഷ്ട്രീയ പരിഹാരം കാണാനുള്ള അന്താരാഷ്ട്ര ശ്രമങ്ങളുടെ ഭാഗമായി ഫ്രാൻസിൽ നടന്ന പാരീസ് അന്താരാഷ്ട്ര സിവിൽ സൊസൈറ്റി കോൺഫറൻസിൽ (Paris International Civil Society Conference on Two-State Solution) ഖത്തർ പങ്കെടുത്തു. ഖത്തറിനെ പ്രതിനിധീകരിച്ച് അന്താരാഷ്ട്ര സഹകരണ മന്ത്രി മറിയം ബിന്ത് അലി ബിൻ നാസർ അൽ മിസ്നാദ് സമ്മേളനത്തിൽ സംസാരിച്ചു.
​പലസ്തീൻ, ഇസ്രായേൽ, മറ്റ് പ്രാദേശിക-അന്താരാഷ്ട്ര സിവിൽ സൊസൈറ്റി സംഘടനകളുടെ പങ്കാളിത്തത്തോടെ 2025-ൽ രൂപീകരിച്ച 'പാരീസ് കോൾ' (Paris Call) നവീകരിക്കുന്നതിനാണ് ഈ സമ്മേളനം സംഘടിപ്പിച്ചത്.പലസ്തീനിലെ സുരക്ഷ ശക്തമാക്കൽ.
​ഗാസയിലേക്ക് ആവശ്യമായ മാനുഷിക സഹായങ്ങൾ എത്തിക്കുന്നത് ഉറപ്പാക്കൽ.
​ഇരുരാഷ്ട്ര പരിഹാരം (Two-State Solution) പ്രായോഗിക തലത്തിൽ നടപ്പിലാക്കൽ.
​സമാധാന പ്രക്രിയകൾക്ക് ആവശ്യമായ പിന്തുണ നൽകൽ.
​പ്രാദേശിക കൂട്ടായ്മകളും ഒത്തുചേരലുകളും കൂടുതൽ ശക്തമാക്കൽതുടങ്ങിയ 
അഞ്ച് പ്രധാന വിഷയങ്ങളൂന്നിയാണ് കോൺഫറൻസ് നടന്നത്.
അന്താരാഷ്ട്ര നിയമങ്ങളുടെ അടിസ്ഥാനത്തിൽ പലസ്തീൻ ജനതയുടെ ന്യായമായ അവകാശങ്ങളെ പിന്തുണയ്ക്കുന്ന ഖത്തറിന്റെ ശക്തമായ നിലപാടുകളുമായി പൊരുത്തപ്പെടുന്നതാണ് ഈ അഞ്ച് തത്വങ്ങളും.
​ഫ്രാൻസിൽ നടക്കാനിരിക്കുന്ന ജി7 (G7) ഉച്ചകോടിയുടെ മുന്നോടിയായാണ് ഈ സമ്മേളനം നടന്നത് എന്നതിനാൽ ഖത്തറിന്റെ പങ്കാളിത്തത്തിന് വലിയ പ്രാധാന്യമുണ്ട്. കൂടാതെ, ഐക്യരാഷ്ട്രസഭയുടെ മേൽനോട്ടത്തിൽ സൗദി അറേബ്യയും ഫ്രാൻസും ചേർന്ന് സംയുക്തമായി സംഘടിപ്പിച്ച രാജ്യാന്തര സമ്മേളനത്തിന്റെ തീരുമാനങ്ങൾ നടപ്പിലാക്കുന്നതിനും ഈ കോൺഫറൻസ് വഴിയൊരുക്കും.