ദോഹ: ഖത്തർ ഒളിമ്പിക് കമ്മിറ്റിയുടെ (QOC) ഫസ്റ്റ് വൈസ് പ്രസിഡന്റായി ശൈഖ ഹിന്ദ് ബിന്ത് ഹമദ് അൽ ഥാനിയെ തിരഞ്ഞെടുത്തു. ഒളിമ്പിക് കമ്മിറ്റി പ്രസിഡന്റ് ശൈഖ് ജുആൻ ബിൻ ഹമദ് അൽ ഥാനിയുടെ അധ്യക്ഷതയിൽ ചേർന്ന 2026-ലെ പ്രത്യേക ജനറൽ അസംബ്ലി യോഗത്തിലാണ് പുതിയ ഭരണസമിതിയെ തീരുമാനിച്ചത്.
സെക്കൻഡ് വൈസ് പ്രസിഡന്റായി മുഹമ്മദ് ബിൻ യൂസഫ് അൽ മന്നയെയും തിരഞ്ഞെടുത്തു. സ്ഥാനമൊഴിഞ്ഞ ഡോ. ഥാനി ബിൻ അബ്ദുറഹ്മാൻ അൽ കുവാരിക്ക് പകരമാണ് ഈ പുതിയ നിയമനങ്ങൾ. ഡോ. ഥാനി ബിൻ അബ്ദുറഹ്മാൻ അൽ കുവാരി നൽകിയ മികച്ച സേവനങ്ങൾക്ക് ജനറൽ അസംബ്ലി ആത്മാർത്ഥമായ നന്ദി രേഖപ്പെടുത്തുകയും അദ്ദേഹത്തിന്റെ ഭാവി സംരംഭങ്ങൾക്ക് ആശംസകൾ നേരുകയും ചെയ്തു.
ജപ്പാനിലെ ഐച്ചി-നാഗോയയിൽ (Aichi–Nagoya) നടന്ന ഏഷ്യൻ ഗെയിംസിൽ ഖത്തർ ദേശീയ ടീമുകൾ നേടിയ മികച്ച വിജയങ്ങളും മെഡലുകളും യോഗം വിലയിരുത്തി.വരാനിരിക്കുന്ന വിവിധ അന്താരാഷ്ട്ര കായിക മാമാങ്കങ്ങളിൽ ഖത്തറിന്റെ പങ്കാളിത്തവും ടീമുകളുടെ പരിശീലന പുരോഗതിയും ജനറൽ അസംബ്ലി അവലോകനം ചെയ്തു.
