ദോഹ: പൊതു ആരോഗ്യ മന്ത്രാലയം (MoPH) പങ്കാളികളുമായി ചേർന്ന് സംഘടിപ്പിക്കുന്ന 11-ാമത് ഖത്തർ പേഷ്യന്റ് സേഫ്റ്റി വീക്ക് (QPSW) സെപ്റ്റംബർ 17 മുതൽ 23 വരെ നടക്കും. ഈ വർഷത്തെ മുദ്രാവാക്യം: “360° Quality Care: Advancing Safety Through Systemic Change.”
ഈ തീം ആരോഗ്യരംഗത്തെ ഗുണനിലവാരവും രോഗിസുരക്ഷയും ഒറ്റപ്പെട്ട ശ്രമങ്ങൾക്കപ്പുറം മുഴുവൻ സിസ്റ്റത്തിന്റെ മാറ്റത്തിനായുള്ള സമഗ്രമായ സമീപനം ആവശ്യമാണ് എന്ന സന്ദേശം മുന്നോട്ട് വയ്ക്കുന്നു.
ആരോഗ്യരംഗത്തെ നേതാക്കൾ രോഗിസുരക്ഷാ സംസ്കാരം സ്ഥാപിക്കാനും, ദേശീയ തന്ത്രങ്ങളിലും നയങ്ങളിലും സ്ഥാപനങ്ങളുടെ ഭരണഘടനയിലും സുരക്ഷാ മുൻഗണനകൾ ഉൾപ്പെടുത്താനും കൂടുതൽ പ്രതിബദ്ധരാകണം.
ആരോഗ്യപ്രവർത്തകരിൽനിന്നും രോഗികളിലേക്കും അവരുടെ കുടുംബങ്ങളിലേക്കുമുള്ള സുരക്ഷാബോധവും തുറന്ന ആശയവിനിമയവും ഉറപ്പാക്കുകയാണ് പ്രധാന ലക്ഷ്യമെന്ന്മന്ത്രാലയം വ്യക്തമാക്കി.
പ്രതിരോധിക്കാവുന്ന അപകടങ്ങൾ കുറയ്ക്കാനും സുരക്ഷിതമായ ചികിത്സ ഉറപ്പാക്കാനും രോഗിസുരക്ഷയിലെ സുതാര്യതയും ബോധവൽക്കരണവും അനിവാര്യമാണ്.
അതോടൊപ്പം, മികച്ച രീതികളും നവീനമായ ആരോഗ്യപരിപാലന സമീപനങ്ങളും പങ്കുവയ്ക്കുകയും, തെളിവുകൾ അടിസ്ഥാനമാക്കിയ രീതികൾ പ്രചരിപ്പിക്കുകയും ചെയ്യുകയാണ് മറ്റൊരു പ്രധാന ലക്ഷ്യം. ഇതിലൂടെ ആരോഗ്യഗുണനിലവാരത്തിലുംരോഗിസുരക്ഷയിലും എല്ലാ തലങ്ങളിലും സുസ്ഥിരമായ പുരോഗതി കൈവരിക്കാനാകുമെന്ന് പ്രതീക്ഷിക്കുന്നു.
