ദോഹ: ഖത്തറിൽ ശനിയാഴ്ച ഇടിമിന്നലോടു കൂടിയ മഴയ്ക്കും ശക്തമായ കാറ്റിനും സാധ്യതയുള്ളതായി കാലാവസ്ഥാ വകുപ്പ് മുന്നറിയിപ്പ് നൽകി. കടലിൽ തിരമാലകൾ ഉയരാനും കരയിൽ കാഴ്ചപരിധി കുറയാനും സാധ്യതയുണ്ട്.വൈകുന്നേരം 6 മണി വരെ ആകാശം ഭാഗികമായി മേഘാവൃതമായിരിക്കും. പലയിടങ്ങളിലും ചിതറിപ്പൊട്ടി മഴ ലഭിക്കാൻ സാധ്യതയുണ്ട്, ഇത് ചിലപ്പോൾ ശക്തമായ ഇടിമിന്നലായി മാറിയേക്കാം. കാറ്റിന്റെ വേഗത 5 മുതൽ 15 നോട്ട്സ് വരെയായിരിക്കും, എന്നാൽ ഇടിമിന്നലുള്ള സമയത്ത് കാറ്റിന്റെ വേഗത 30 നോട്ട്സ് വരെ ഉയരാൻ സാധ്യതയുണ്ട്.
തീരത്തോടു ചേർന്ന ഭാഗങ്ങളിൽ തിരമാലകൾ 1 മുതൽ 3 അടി വരെയും, മഴയുള്ളപ്പോൾ 5 അടി വരെയും ഉയർന്നേക്കാം. എന്നാൽ ആഴക്കടലിൽ തിരമാലകൾ 10 അടി വരെ ഉയരാൻ സാധ്യതയുള്ളതിനാൽ കടലിൽ പോകുന്നവർ ജാഗ്രത പാലിക്കണം.കരയിൽ കാഴ്ചപരിധി 4 മുതൽ 9 കിലോമീറ്റർ വരെയായിരിക്കും. എന്നാൽ ശക്തമായ മഴയുള്ള സമയത്ത് ഇത് 2 കിലോമീറ്ററിൽ താഴെയായി കുറയാൻ സാധ്യതയുണ്ട്. വാഹനങ്ങൾ ഉപയോഗിക്കുന്നവർ പ്രത്യേകം ശ്രദ്ധിക്കണം.
ശക്തമായ കാറ്റിനും മഴയ്ക്കും സാധ്യതയുള്ളതിനാൽ ഔദ്യോഗിക അറിയിപ്പുകൾ ശ്രദ്ധിക്കണമെന്നും സുരക്ഷാ മുൻകരുതലു
