​കാരക്കാസ്: വെനസ്വേലൻ തലസ്ഥാനമായ കാരക്കാസിലും പരിസര പ്രദേശങ്ങളിലും ഉണ്ടായ രണ്ട് ശക്തമായ ഭൂകമ്പങ്ങളെത്തുടർന്ന് ഖത്തർ നൽകിയ അടിയന്തര സുരക്ഷാ-ദുരിതാശ്വാസ പ്രവർത്തനങ്ങൾക്ക് അന്താരാഷ്ട്ര തലത്തിൽ വലിയ പ്രശംസ. ദുരന്തബാധിത പ്രദേശങ്ങളിൽ ഖത്തർ കാണിച്ച സമാനതകളില്ലാത്ത വേഗതയെയും മികച്ച സന്നാഹങ്ങളെയും ലാറ്റിനമേരിക്കൻ മാധ്യമങ്ങൾ ഒന്നടങ്കം അഭിനന്ദിച്ചു.
​കഴിഞ്ഞ ബുധനാഴ്ചയാണ് (ജൂൺ 24) വെനസ്വേലയെ പിടിച്ചുകുലുക്കിയ രണ്ട് ശക്തമായ ഭൂകമ്പങ്ങൾ ഉണ്ടായത്. രാജ്യത്തിന്റെ ആധുനിക ചരിത്രത്തിലെ തന്നെ ഏറ്റവും വലിയ പ്രകൃതിദുരന്തങ്ങളിലൊന്നായാണ് ഇത് വിലയിരുത്തപ്പെടുന്നത്.
ദുരന്തവാർത്ത പുറത്തുവന്നയുടൻ തന്നെ ഖത്തർ ആഭ്യന്തര സുരക്ഷാ സേനയുടെ (ലഖ്‌വിയ) കീഴിലുള്ള 'ഖത്തർ ഇന്റർനാഷണൽ സെർച്ച് ആൻഡ് റെസ്ക്യൂ ഗ്രൂപ്പ്' വെനസ്വേലയിൽ എത്തിച്ചേരുകയും പ്രാദേശിക-അന്തർദേശീയ ടീമുകളോടൊപ്പം ചേർന്ന് രക്ഷാപ്രവർത്തനം ആരംഭിക്കുകയും ചെയ്തു. തകർന്നടിഞ്ഞ കെട്ടിടങ്ങൾക്കിടയിൽ നിന്നും ആളുകളെ കണ്ടെത്തുന്നതിൽ വിദഗ്ധരായ അർബൻ സെർച്ച് ആൻഡ് റെസ്ക്യൂ (USAR) സ്പെഷ്യലിസ്റ്റുകളാണ് ഖത്തർ സംഘത്തിലുള്ളത്.
​ഇതോടൊപ്പം തന്നെ അത്യാധുനിക സാങ്കേതിക ഉപകരണങ്ങൾ, പ്രത്യേക മെഡിക്കൽ സംഘങ്ങൾ, പരിക്കേറ്റവർക്ക് അടിയന്തര ചികിത്സ ലഭ്യമാക്കാനുള്ള ഫീൽഡ് ഹോസ്പിറ്റലുകൾ എന്നിവയും ദോഹ വെനസ്വേലയിലേക്ക് നിയോഗിച്ചിട്ടുണ്ട്.ഖത്തർ അമീറിന്റെ നിർദ്ദേശപ്രകാരം 'ഖത്തർ ഫണ്ട് ഫോർ ഡെവലപ്‌മെന്റ്' (QFFD) അടിയന്തര മാനുഷിക സഹായങ്ങൾ എത്തിക്കാൻ പ്രത്യേക എയർ ബ്രിഡ്ജ് (വ്യോമപാത) തന്നെ സ്ഥാപിച്ചു. ദുരന്തബാധിതർക്കായി ടൺ കണക്കിന് ഭക്ഷ്യവസ്തുക്കൾ, മരുന്നുകൾ, അത്യാവശ്യ മെഡിക്കൽ സാമഗ്രികൾ, താൽക്കാലിക പാർപ്പിടത്തിനായുള്ള ടെന്റുകൾ എന്നിവയാണ് ഇതുവഴി വെനസ്വേലയിൽ എത്തിച്ചുകൊണ്ടിരിക്കുന്നത്.ഖത്തർ അമീറിന്റെ നിർദ്ദേശപ്രകാരം 'ഖത്തർ ഫണ്ട് ഫോർ ഡെവലപ്‌മെന്റ്' (QFFD) അടിയന്തര മാനുഷിക സഹായങ്ങൾ എത്തിക്കാൻ പ്രത്യേക എയർ ബ്രിഡ്ജ് (വ്യോമപാത) തന്നെ സ്ഥാപിച്ചു. ദുരന്തബാധിതർക്കായി ടൺ കണക്കിന് ഭക്ഷ്യവസ്തുക്കൾ, മരുന്നുകൾ, അത്യാവശ്യ മെഡിക്കൽ സാമഗ്രികൾ, താൽക്കാലിക പാർപ്പിടത്തിനായുള്ള ടെന്റുകൾ എന്നിവയാണ് ഇതുവഴി വെനസ്വേലയിൽ എത്തിച്ചുകൊണ്ടിരിക്കുന്നത്.ലാറ്റിനമേരിക്കൻ പത്രമായ 'ഡയാരിയോ ഡി ലാറ്റിനോ' (Diario de Latino), പ്രമുഖ വാർത്താ ചാനലായ 'ടി.ആർ.ഒ' (TRO) എന്നിവ ഖത്തറിന്റെ സഹായ ഹസ്തത്തെ വലിയ പ്രാധാന്യത്തോടെയാണ് റിപ്പോർട്ട് ചെയ്തത്. വെനസ്വേലൻ നാഷണൽ അസംബ്ലി പ്രസിഡന്റ് ഹോർഹെ റോഡ്രിഗസ് അന്താരാഷ്ട്ര സഹായങ്ങൾക്ക് ഹൃദയംഗമമായ നന്ദി രേഖപ്പെടുത്തി. ആക്ടിങ് പ്രസിഡന്റ് ഡെൽസി റോഡ്രിഗസിന്റെ അഭ്യർത്ഥന പ്രകാരം ഖത്തർ, യുണൈറ്റഡ് സ്റ്റേറ്റ്സ്, മെക്സിക്കോ, സ്പെയിൻ, യുഎൻ വിദഗ്ദ്ധ സംഘങ്ങൾ എന്നിവർ ഉടൻ തന്നെ പ്രതികരിച്ചതായും അദ്ദേഹം അറിയിച്ചു.
​വെനസ്വേലയിലെ ദുരന്തബാധിതരെ സഹായിക്കാനും അവിടുത്തെ അടിസ്ഥാന സൗകര്യങ്ങൾ വീണ്ടെടുക്കാനും യുണൈറ്റഡ് നേഷൻസ് (UN) ഉൾപ്പെടെ പത്തിലധികം രാജ്യങ്ങളിൽ നിന്നുള്ള വിദഗ്ദ്ധ സംഘങ്ങൾ നിലവിൽ രാജ്യത്ത് ക്യാമ്പ് ചെയ്ത് വരികയാണ്.